టాలీవుడ్ లో ఇప్పుడు ఒకటే టాపిక్. ఆస్కార్ అవార్డుతో ప్రపంచాన్ని గర్వపడేలా చేసిన లెజెండరీ మ్యూజిక్ డైరెక్టర్ ఎం.ఎం. కీరవాణి ఇంట్లో త్వరలోనే పెళ్లి బాజాలు మోగబోతున్నాయి. తన గాత్రంతో, సంగీతంతో ఇప్పటికే వేలమంది అభిమానులను సంపాదించుకున్న కాలభైరవ త్వరలోనే వివాహ బంధంలోకి అడుగుపెట్టబోతున్నాడు. అయితే ఇప్పుడు అందరినీ ఆశ్చర్యానికి గురి చేస్తున్న విషయం ఏమిటంటే.. ఆస్కార్ విన్నర్ కోడలిగా రాబోతున్న ఆ హీరోయిన్ మరెవరో కాదు, తన నటనతో కుర్రాళ్ళ గుండెల్లో గంటలు కొట్టించిన ఒక క్రేజీ బ్యూటీ.
కాలభైరవ మనసు పారేసుకున్న ఆ నటి ఎవరంటే?
ఫిలిం నగర్ లో గట్టిగా వినిపిస్తున్న సమాచారం ప్రకారం.. కాలభైరవ మనసు గెలుచుకున్న ఆ అమ్మాయి ‘మసూద’, ‘బలగం’ వంటి సినిమాలతో యూత్ లో సెన్సేషన్ క్రియేట్ చేసిన కావ్య కళ్యాణ్ రామ్. చైల్డ్ ఆర్టిస్ట్ గా కెరీర్ మొదలుపెట్టి, ఇప్పుడు హీరోయిన్ గా క్రేజీ క్రేజ్ సంపాదించుకున్న ఈ బ్యూటీ, కాలభైరవతో కొంతకాలంగా ప్రేమలో ఉన్నట్లు తెలుస్తోంది. వీరిద్దరి మధ్య ఉన్న పరిచయం కాస్తా గాఢమైన ప్రేమగా మారిందని, ఇప్పుడు ఇరు కుటుంబాల పెద్దలు వీరి పెళ్లికి గ్రీన్ సిగ్నల్ ఇచ్చేశారని టాక్.
పెద్దల అంగీకారంతో లవ్ కమ్ అరేంజ్డ్ మ్యారేజ్!
కాలభైరవ ‘కార్తికేయ 2’ వంటి చిత్రాలతో తన మ్యూజిక్ పవర్ ఏంటో చూపించగా, కావ్య కళ్యాణ్ రామ్ తక్కువ టైమ్ లోనే తన నేచురల్ యాక్టింగ్ తో మంచి గుర్తింపు తెచ్చుకుంది. ప్రస్తుతం ఈ రెండు కుటుంబాల్లో పెళ్లి ముహూర్తాల గురించి సీరియస్ గా చర్చలు జరుగుతున్నాయట. మెగా, అక్కినేని ఫ్యామిలీల పెళ్లి వేడుకల సందడి తర్వాత, ఇప్పుడు కీరవాణి గారి ఇంట్లో జరగబోయే ఈ శుభకార్యం సినీ ఇండస్ట్రీలో హాట్ టాపిక్ గా మారింది.
ముహూర్తాలు ఫిక్స్ అయిన వెంటనే సోషల్ మీడియా వేదికగా అఫీషియల్ అనౌన్స్ మెంట్ వచ్చే ఛాన్స్ ఉంది. అప్పటివరకు ఈ క్రేజీ కపుల్ గురించి వస్తున్న వార్తలు ఇంటర్నెట్ లో వైరల్ అవుతూనే ఉంటాయి. ఆస్కార్ విన్నర్ ఫ్యామిలీలోకి కావ్య ఎంట్రీ ఇవ్వడం అనేది ఖచ్చితంగా ఒక పెద్ద సెన్సేషన్ అనే చెప్పాలి.
