బాలీవుడ్ సెన్సేషన్ రణ్వీర్ సింగ్ హీరో.. సంజయ్ దత్ లాంటి ఉద్దండులు విలన్లు.. కానీ థియేటర్లలో జనం ఎవరి కోసం ఈలలు వేస్తున్నారో తెలుసా? సాక్షాత్తూ ప్రధానమంత్రి నరేంద్ర మోదీ స్క్రీన్ మీద కనిపించగానే బాక్సాఫీస్ దగ్గర పూనకాలు మొదలయ్యాయి. అసలు ఒక కమర్షియల్ సినిమాలో మోదీ ఎంట్రీ ఏంటి? ఆ సీన్ల వెనుక ఉన్న అసలు కథేంటి?
ఆదిత్య ధర్ దర్శకత్వంలో వచ్చిన ‘ధురంధర్ 2’ ఇప్పుడు బాక్సాఫీస్ వద్ద ప్రకంపనలు సృష్టిస్తోంది. మార్చి 19న విడుదలైన ఈ మోస్ట్ అవేటెడ్ సీక్వెల్లో రణ్వీర్ సింగ్ మాస్ రాంపేజ్ చూద్దామని వెళ్లిన ఆడియన్స్కు మైండ్ బ్లాక్ అయ్యే సర్ప్రైజ్ ఎదురైంది. సినిమాలో ప్రధాని మోదీకి సంబంధించిన కొన్ని కీలక సన్నివేశాలు ఇప్పుడు దేశవ్యాప్తంగా హాట్ టాపిక్గా మారాయి.
ముఖ్యంగా సినిమాలో ప్రధాని మోదీ ప్రమాణ స్వీకార దృశ్యాలు, 2014 ఎన్నికల విజయం తర్వాత ఆయన చేసిన పవర్ ఫుల్ స్పీచ్లు హైలైట్గా నిలిచాయి. స్క్రీన్ మీద మోదీ కనిపించగానే థియేటర్లు జై మోదీ నినాదాలతో మారుమోగిపోతున్నాయి. సోషల్ మీడియాలో వైరల్ అవుతున్న క్లిప్స్ చూస్తుంటే.. హీరో రణ్వీర్ సింగ్ కంటే మోదీ సీన్లకే ఎక్కువ రెస్పాన్స్ వస్తోందని ట్రేడ్ వర్గాలు సైతం నోరెళ్లబెడుతున్నాయి.
సినిమా కథలో భాగంగా ఈ సన్నివేశాలను అత్యంత ప్రభావవంతంగా డిజైన్ చేయడంతో జనం థియేటర్లలో రచ్చ చేస్తున్నారు. ఒకానొక దశలో ఈ సినిమా కలెక్షన్లకు మోదీ క్రేజ్ కూడా ఒక ప్రధాన కారణంగా మారుతోందని విశ్లేషకులు భావిస్తున్నారు. మరికొందరు నెటిజన్లు అయితే ఈ పవర్ ఫుల్ క్యామియోకి ఏకంగా ‘బెస్ట్ సపోర్టింగ్ యాక్టర్’ అవార్డు ఖాయమని సరదాగా కామెంట్స్ చేస్తున్నారు.
#Dhurandhar2 – One of the most powerful moments in Dhurandhar 2 🔥
When Modi ji takes oath as Prime Minister for the first time, the film shows Dawood Ibrahim’s character as aged and shaken. The impact is so strong that even a feared don is shown under pressure.
That scene… pic.twitter.com/S17Y5npfbn
— Ravi Chaudhary (@BURN4DESIRE1) March 19, 2026
సినిమాలో హీరోల ఎలివేషన్లు ఒకెత్తయితే.. మోదీ ఎలివేషన్ సీన్లు మరో ఎత్తు. మొత్తానికి ధురంధర్ 2 బాక్సాఫీస్ వద్ద సృష్టిస్తున్న ఈ విధ్వంసంలో మోదీ ఫ్యాక్టర్ ఇప్పుడు పెద్ద సెన్సేషన్ అని చెప్పాలి. మీరు ఇంకా ఆ సీన్లు చూడలేదా? అయితే వెంటనే థియేటర్కు వెళ్లాల్సిందే!
