గ్లామర్ ప్రపంచంలో ఉంటూ కూడా గ్లామర్ పాత్రలకు దూరంగా, కేవలం నటనకు ప్రాధాన్యత ఉన్న పాత్రలతో కోట్లాది మంది అభిమానుల మనసు గెలుచుకుంది నేచురల్ బ్యూటీ సాయి పల్లవి. సౌత్ ఇండియాలో మోస్ట్ డిసిప్లిన్డ్ యాక్ట్రెస్గా పేరు తెచ్చుకున్న ఈ ‘ఫిదా’ బ్యూటీ, ఇప్పుడు తన వ్యక్తిగత జీవితానికి సంబంధించి చేసిన వ్యాఖ్యలు సోషల్ మీడియాలో సెన్సేషన్ క్రియేట్ చేస్తున్నాయి. అసలు సాయి పల్లవి పెళ్లి ఎప్పుడు? ఆమె మనసులో ఏముంది? అన్న చర్చకు ఇప్పుడు ఫుల్ స్టాప్ పడింది.
పెళ్లిపై సంచలన ప్రకటన!
ఇటీవల ఒక పబ్లిక్ ఈవెంట్లో పాల్గొన్న సాయి పల్లవికి పెళ్లి గురించి ఎదురైన ప్రశ్నకు ఆమె ఏమాత్రం తడబడకుండా సమాధానం ఇచ్చింది. ప్రస్తుతం తాను పెళ్లి చేసుకునే ఆలోచనలో లేనని, తన ఫోకస్ మొత్తం సినిమాల పైనే ఉందని స్పష్టం చేసింది. అంతేకాదు, ప్రస్తుతం తాను సింగిల్ అని క్లారిటీ ఇచ్చి రూమర్లకు చెక్ పెట్టింది. 33 ఏళ్ల వయసులో కూడా కెరీర్కే ప్రాధాన్యత ఇస్తున్న ఈ బ్యూటీ, తన చెల్లి పెళ్లి తర్వాత కూడా ఇంకా కొత్త జీవితం గురించి ఆలోచించడం లేదని చెప్పడం ఫ్యాన్స్ను ఆశ్చర్యానికి గురి చేస్తోంది.
బిజీ బిజీగా భారీ ప్రాజెక్టులు!
సాయి పల్లవి చేతిలో ప్రస్తుతం వరుసగా క్రేజీ ప్రాజెక్టులు ఉన్నాయి. ఇండియన్ స్క్రీన్ పై అత్యంత భారీగా తెరకెక్కుతున్న ‘రామాయణం’లో ఆమె సీతగా నటిస్తోంది. దీనితో పాటు మణిరత్నం దర్శకత్వంలో విజయ్ సేతుపతి సరసన నటిస్తూ అందరినీ ఊరిస్తోంది. అటు బాలీవుడ్ ఎంట్రీ కూడా అదిరిపోయేలా ప్లాన్ చేసింది. అమీర్ ఖాన్ కొడుకు జునైద్ ఖాన్ సరసన ‘ఏక్ దిన్’ సినిమాలో నటిస్తోంది. వరుస షూటింగ్స్, ప్రమోషన్స్తో బిజీగా ఉండటం వల్లే ఆమె పెళ్లికి ఇంకా టైం పడుతుందని తెలుస్తోంది.
మొత్తానికి సాయి పల్లవి పెళ్లి గురించి ఎదురుచూస్తున్న అభిమానులకు, ఆమె ఇప్పుడప్పుడే ఇంటి కోడలు అయ్యే ఉద్దేశం లేదని క్లియర్ కట్ మెసేజ్ ఇచ్చేసింది. మరి ఈ నేచురల్ స్టార్ కి కాబోయే వాడు ఎవరో తెలియాలంటే ఇంకా కొన్ని రోజులు ఆగాల్సిందే!
