“అది సినిమా కాదు… ఓ ఫీల్! ఓ ఫన్నీ ఫిలాసఫీ! టాలీవుడ్‌లో cult status దక్కించుకున్న త్రివిక్రమ్ మార్క్‌ మ్యాజిక్ – ఖలేజా తిరిగి బిగ్ స్క్రీన్‌పై దుమ్ము రేపేందుకు సిద్ధమవుతోంది!”
ఓ సినిమా వదిలి రెండు మూడు సంవత్సరాల తర్వాత అలనాటి తీపి జ్ఞాపకాలలా గుర్తుకు రావొచ్చు. కానీ ఖలేజా? అది సంవత్సరం కాదు, దశాబ్దాలు గడిచినా ఆడియెన్స్ మనసుల్లో మిగిలిపోయే ఓ అరుదైన అనుభూతి. 2010లో విడుదలైనప్పుడే కాకుండా, ఇప్పుడు రీ-రిలీజ్ కంటే ముందు నుంచే ఈ సినిమాకి ఓ క్రేజ్ ఉంది. ఎందుకంటే ఇది కేవలం మహేష్ బాబు మాస్ అవతార్ మాత్రమే కాదు, త్రివిక్రమ్ టేకింగ్, హ్యూమర్, డైలాగ్‌లు, ఫిలాసఫీ అన్నీ కలసిన ఓ అద్భుత మిక్స్‌!
త్రివిక్రమ్ దర్శకత్వంలో వచ్చిన ఖలేజా రీ-రిలీజ్‌కు అద్భుతమైన రెస్పాన్స్ వస్తోంది. ప్రిన్స్ మహేష్ బాబు అభిమానులు మాత్రమే కాదు, ఇతర హీరోల అభిమానులు కూడా ఈ సినిమా రీ-రిలీజ్‌పై ఆనందం వ్యక్తం చేస్తున్నారు. ఇదే మహేష్ బాబు సినిమాల ప్రత్యేకత – అతని ఫిల్మోగ్రఫీ ఎప్పటికప్పుడు న్యూట్రల్ ఆడియన్స్‌ను కూడా ఆకట్టుకుంటూ వస్తోంది. ఇప్పుడు ఖలేజా రీ-రన్‌కు వస్తున్న స్పందన దానికి బలమైన ఉదాహరణ.
ఓవర్సీస్ మార్కెట్లో మహేష్ బాబు పేరు ‘కింగ్ ఆఫ్ ఓవర్సీస్’ అనే స్థాయికి వెళ్లిపోయింది. ఆ రేంజ్‌లోనే ఇప్పుడు ఖలేజా ప్రీ-సేల్స్ దూసుకెళ్తున్నాయి. యుఎస్ లో ఇప్పటికే ఖలేజా అడ్వాన్స్ బుకింగ్స్ $22K (సుమారు 18 లక్షల రూపాయలు) దాటాయి. ఇది రీ-రిలీజులలో ఓ రికార్డు స్థాయిలో ఉన్నది.
ప్రస్తుతం యుఎస్ మార్కెట్లో రీ-రిలీజ్ సినిమాల్లో గబ్బర్ సింగ్ ($66K) మొదటి స్థానంలో ఉంది. కానీ ఖలేజా ఆ రికార్డును మించడం పెద్ద విషయం కాకపోవచ్చు. ఇప్పటివరకూ చూపిన ఊపుతో చూస్తే ఖలేజా మొదటి $100K (సుమారు 83 లక్షల రూపాయలు) గ్రాసర్‌గా నిలిచే ఛాన్స్ ఉంది. అలా అయితే ఈ రికార్డును మరొక సినిమా బ్రేక్ చేయడం అసాధ్యం కాదు కానీ, చాలా కష్టమే!
మొత్తానికి, ఖలేజా రీ-రిలీజ్ మహేష్ బాబు క్రేజ్‌కు ఓ కొత్త మైలురాయిగా నిలవనుంది.
