శివకార్తికేయన్ – సుధా కొంగర కాంబినేషన్లో వస్తున్న పరాశక్తి సినిమా రిలీజ్కు ముందు ఊహించని అడ్డంకిని ఎదుర్కొంటోంది. తాజాగా ఈ సినిమాకు సంబంధించిన సెన్సార్ సమస్యలు తమిళ సినీ వర్గాల్లో హాట్ టాపిక్గా మారాయి. ముఖ్యంగా హిందీ వ్యతిరేక ఉద్యమాలకు సంబంధించిన కొన్ని సన్నివేశాలు సెన్సార్ బోర్డ్ దృష్టిని బాగా ఆకర్షించాయనే టాక్ వినిపిస్తోంది. దీంతో సినిమా చుట్టూ క్యూరియాసిటీ ఒక్కసారిగా పెరిగిపోయింది.
రిపోర్ట్స్ ప్రకారం, పరాశక్తి సినిమాను సీబీఎఫ్సీ రివైజింగ్ కమిటీకి పంపారు. సినిమా పరిశీలించిన తర్వాత, 1960ల చివర్లో తమిళనాడులో జరిగిన హిందీ వ్యతిరేక ఉద్యమాలను చూపించే కొన్ని సన్నివేశాల్లో పెద్ద మార్పులు చేయాలని సెన్సార్ బోర్డ్ సూచించినట్లు తెలుస్తోంది. ఆ సూచనలపై నిర్మాతలు అసంతృప్తి వ్యక్తం చేస్తూ, రివైజింగ్ కమిటీని ఆశ్రయించారు. ఇదే ఇప్పుడు సినిమాకు ప్రధాన సమస్యగా మారింది. రాజకీయ, సామాజిక నేపథ్యంతో రూపొందిన ఈ కథలో ఆ సన్నివేశాలు కీలకంగా ఉండటంతో, వాటిపై తీసుకునే నిర్ణయం సినిమా రూపాన్ని ప్రభావితం చేసే అవకాశం ఉంది.
జనవరి 10న పరాశక్తి థియేటర్లలోకి రావాల్సి ఉండగా, ఈ సెన్సార్ ఇష్యూ రిలీజ్పై ప్రభావం చూపుతుందా అనే చర్చ మొదలైంది. 1960ల కాలాన్ని నేపథ్యంగా తీసుకుని, ఇద్దరు అన్నదమ్ముల జీవిత ప్రయాణాల మధ్య జరిగే సంఘర్షణను చూపించే ఈ కథలో శివకార్తికేయన్, అధర్వా కీలక పాత్రల్లో కనిపించనున్నారు. అభిమానులు మాత్రం ఈ వివాదం త్వరగా ముగిసి, సినిమా ఎలాంటి ఆటంకం లేకుండా విడుదల కావాలని ఆశిస్తున్నారు. ఇప్పుడు అందరి చూపు ఒక్కటే… రివైజింగ్ కమిటీ ఏ నిర్ణయం తీసుకుంటుందన్నదే పరాశక్తి భవితవ్యాన్ని నిర్ణయించనుంది.
