అఖిల్ కెరీర్ ప్రారభం నుంచి సరైన హిట్ అనేదే పడలేదు. సినిమాలు వస్తున్నాయి. వెళ్లిపోతున్నాయి. హలో, మిస్టర్ మజ్ను, మోస్ట్ ఎలిజిబుల్ బ్యాచిలర్ సినిమాలతో యావరేజ్ అనిపించుకున్నా.. ఏజెంట్ తో డిజాస్టర్ తో ఇచ్చారు. ఏజెంట్ వచ్చి రెండేళ్లు అవుతున్నా ఇంకా నెక్స్ట్ సినిమా ప్రకటించలేదు. అఖిల్ నెక్స్ట్ సినిమాపై పలు వార్తలు వచ్చినా అధికారిక ప్రకటన రాలేదు.
ఈ రోజు అఖిల్ పుట్టిన రోజు సందర్భంగా అఖిల్ నెక్స్ట్ సినిమాపై అధికారిక ప్రకటన వచ్చింది. తాజాగా నాగార్జున చేతుల మీదుగా అఖిల్ నెక్స్ట్ సినిమా లెనిన్ గ్లింప్స్ రిలీజ్ చేసారు.
ఈ గ్లింప్స్ లో.. మా నాయన నాకో మాట చెప్పినాడు. పుట్టేటప్పుడు ఊపిరి ఉంటాదిరా.. పేరు ఉండదు.. అట్నే పోయేటప్పుడు ఊపిరి ఉండదు.. పేరు మాత్రమే ఉంటది.. అనే మాస్ డైలాగ్ అఖిల్ వాయిస్ తో చెప్పించారు. చివర్లో ఏ యుద్ధం ప్రేమ యుద్ధం కంటే ఎక్కువ కాదు అనే స్లోగన్ ఇచ్చారు. దీంతో ఇది లవ్ యాక్షన్ సినిమా అని తెలుస్తుంది.
సితార ఎంటర్టైన్మెంట్స్, అన్నపూర్ణ స్టూడియోస్ సంయుక్త నిర్మాణంలో వినరో భాగ్యము విష్ణుకథ ఫేమ్ మురళీ కిషోర్ అబ్బూరు దర్శకత్వంలో ఈ సినిమా తెరకెక్కుతుంది. ఈ సినిమాలో శ్రీలీల హీరోయిన్ గా నటిస్తుంది.
