టాలీవుడ్ మెగాస్టార్ చిరంజీవి మరోసారి సైబర్ క్రైమ్ పోలీసులను ఆశ్రయించారు. ఇటీవల సోషల్ మీడియాలో తనపై అసభ్యకరమైన, అపకీర్తి తెచ్చే పోస్టులు వైరల్ అవుతున్నాయని ఆరోపిస్తూ ఆయన అధికారిక ఫిర్యాదు చేశారు.
చిరంజీవి తన ఫిర్యాదులో ఆ పోస్టులు షేర్ చేస్తున్న అకౌంట్ వివరాలను కూడా సమర్పించారు. ఈ మేరకు పోలీసులు కేసు నమోదు చేసి దర్యాప్తు ప్రారంభించారు.
ఇది మొదటిసారి కాదు — కొన్ని రోజుల క్రితమే చిరంజీవి హైదరాబాద్ సిటీ సివిల్ కోర్టును ఆశ్రయించారు. తన పేరు, ఫోటో, వాయిస్‌లను వ్యాపార ప్రకటనలు, ప్రచారాల కోసం అనుమతి లేకుండా వాడకూడదని కోర్టు ఉత్తర్వులు జారీ చేసింది.
కోర్టు ఆదేశాల ప్రకారం – ఎవరు చిరంజీవి పేరు, బొమ్మ లేదా “మెగాస్టార్”, “చిరు” వంటి బిరుదులను ఉపయోగించి TRPs, పబ్లిసిటీ లేదా డబ్బు సంపాదన ప్రయత్నిస్తే కఠిన న్యాయ చర్యలు ఎదుర్కోవాల్సి ఉంటుందని హెచ్చరించింది.
