టూరిస్ట్ ఫ్యామిలీ అనే తొలి సినిమాతోనే 100 కోట్ల క్లబ్లోకి ఎంట్రీ ఇచ్చిన తమిళ దర్శకుడు అభిషన్ జీవింత్, ఇప్పుడు పూర్తి భిన్నమైన దారిలో అడుగుపెడుతున్నాడు. మరో సినిమాకు మెగాఫోన్ పట్టతాడని అనుకున్న అందరికీ షాక్ ఇచ్చేలా… అభిషన్ ఇప్పుడు హీరోగా వెండితెరపైకి వస్తున్నాడు!
ఈ డెబ్యూట్ మూవీకి టైటిల్ కూడా ఆసక్తికరంగా ఉంది — “Corrected Machi”. వినూత్నమైన టైటిల్తో పాటు, కథా విషయంగా కూడా ఓ డిఫరెంట్ యాంగిల్ను టచ్ చేయబోతున్నాడట.
ఈ సినిమాలో హీరోయిన్గా మలయాళ టాలెంట్ అనస్వర రాజన్ ఎంపికయ్యింది. ఆమె ఇప్పటికే సూపర్ శరణ్య, థగ్స్, పైంకీలి వంటి సినిమాలతో యువతలో పాపులర్ అయ్యింది.
గమనించాల్సిన విషయం ఏమిటంటే… అభిషన్ జీవింత్ “టూరిస్ట్ ఫ్యామిలీ”లో చిన్న పాత్ర చేసినప్పటికీ, ఆ లిమిటెడ్ స్క్రీన్ స్పేస్లో తన నటనతో గుర్తింపు తెచ్చుకున్నాడు. ఇప్పుడు పూర్తి స్థాయి హీరోగా కనబడేందుకు రెడీ అవుతుండటంతో, ఇండస్ట్రీలో ఈ ప్రాజెక్ట్పై అంచనాలు మొదలైపోయాయి.
ఈ సినిమాకు దర్శకత్వం వహించనున్నవారు కూడా ప్రత్యేకమే — టూరిస్ట్ ఫ్యామిలీకి కో-డైరెక్టర్గా పని చేసిన అభిషన్ సహచరుడే దర్శకుడిగా మారనున్నాడు.
ప్రస్తుతం ప్రాజెక్ట్ ప్రారంభ దశలో ఉందని, త్వరలోనే అధికారిక ప్రకటన రాబోతోందన్న సమాచారం. దర్శకుడిగా సూపర్ హిట్ కొట్టిన అభిషన్… నటుడిగా ఏ రేంజ్లో మెప్పిస్తాడో చూడాల్సిందే!