సినిమా వార్తలు
“నాకు ఆ భయం ఉంది.. అందుకే పెళ్లి చేసుకోను!” – ‘ధురంధర్’ విలన్ అక్షయ్ ఖన్నా షాకింగ్ సీక్రెట్!
బాలీవుడ్ సీనియర్ నటుడు అక్షయ్ ఖన్నా ఇప్పుడు సోషల్ మీడియాలో సెన్సేషన్. ‘ధురంధర్’ సినిమాలో ఆయన పోషించిన ‘రెహ్మాన్ డకైత్’ పాత్ర చూసి జనం పిచ్చెక్కిపోతున్నారు. అసలు సినిమాలో హీరో రణవీర్ సింగ్ కంటే అక్షయ్ ఖన్నానే అదిరిపోయాడు అంటూ ఆడియన్స్ కామెంట్స్ చేస్తున్నారు. ఒకప్పుడు లవర్ బాయ్గా అలరించిన అక్షయ్, ఇప్పుడు విలన్ గా ఆస్కార్ రేంజ్ పర్ఫార్మెన్స్ ఇస్తున్నాడు.
అయితే, ఆయన కెరీర్ ఇంత స్పీడ్గా దూసుకుపోతున్నా.. వ్యక్తిగత జీవితం దగ్గరకు వచ్చేసరికి ఒక పెద్ద ప్రశ్న అందరినీ వేధిస్తోంది. “అక్షయ్ ఖన్నా ఇంకా పెళ్లి ఎందుకు చేసుకోలేదు?”
అప్పట్లో ఒకలా.. ఇప్పుడు మరోలా!
పెళ్లి గురించి అడిగితే అక్షయ్ ఖన్నా గతంలో చాలా పాజిటివ్గా సమాధానం ఇచ్చేవారు. “పెళ్లి అంటే కేవలం ఇంట్లో వాళ్లు ఒత్తిడి చేశారనో, వయసు అయిపోతుందనో చేసుకునేది కాదు. సరైన అమ్మాయి దొరికినప్పుడు, ఆ కమిట్మెంట్ తీసుకోవాలని అనిపించినప్పుడు కచ్చితంగా చేసుకుంటా” అని ఉండేవారు. కానీ, కాలం గడిచే కొద్దీ అక్షయ్ ఆలోచనలు పూర్తిగా మారిపోయాయి.
“నేను మ్యారేజ్ మెటీరియల్ కాదు!”
తాజా ఇంటర్వ్యూలలో అక్షయ్ ఖన్నా తన బ్యాచిలర్ లైఫ్ పై కుండబద్దలు కొట్టినట్లు మాట్లాడారు. తనకు పెళ్లి పడదని, తాను ఆ రకమైన జీవితానికి పనికిరానని షాకింగ్ వ్యాఖ్యలు చేశారు.
కమిట్మెంట్ ఫోబియా: “నాకు కమిట్మెంట్ అంటే భయం (Commitment-phobic). రోజురోజుకూ ఈ భయం పెరిగిపోతోంది తప్ప తగ్గడం లేదు” అని అక్షయ్ ఒప్పుకున్నారు.
ఒంటరితనమే ఇష్టం: “నాకు ఒంటరిగా ఉండటం అంటే చాలా ఇష్టం. నా ప్రపంచంలో నేను కంఫర్టబుల్గా ఉన్నాను. పెళ్లి అంటే కేవలం ఒక బాధ్యత మాత్రమే కాదు, పూర్తి జీవనశైలిని మార్చుకోవాలి.. అది నా వల్ల కాదు” అని తేల్చేశారు.
‘ధురంధర్’ తో రేగిన ప్రకంపనలు!
రీసెంట్గా ‘ఛావా’ సినిమాలో ఔరంగజేబుగా భయపెట్టిన అక్షయ్, ఇప్పుడు ‘ధురంధర్’లో తన మేనరిజమ్స్, డైలాగ్ డెలివరీతో థియేటర్లను షేక్ చేస్తున్నాడు. సినిమాలో ఆయన ఎంట్రీ సాంగ్ ఇప్పుడు ఇంటర్నెట్ను ఊపేస్తోంది. స్క్రీన్ మీద అక్షయ్ ఖన్నా కనిపిస్తే.. పక్కన ఎంత పెద్ద స్టార్ ఉన్నా సరే, ఆడియన్స్ కళ్ళు మాత్రం అక్షయ్ పైనే ఉంటున్నాయి.
మొత్తానికి, సినిమాల్లో విలన్గా మెప్పిస్తున్న ఈ మోస్ట్ ఎలిజిబుల్ బ్యాచిలర్, రియల్ లైఫ్లో మాత్రం ‘పెళ్లికి నేను నో’ అనే అంటున్నాడు.
