నరేష్ ఎనర్జీని అస్సలు తట్టుకోలేకపోతున్నా.. రాత్రి అయ్యేసరికి.. పవిత్ర లోకేష్ షాకింగ్ కామెంట్స్!

టాలీవుడ్ సీనియర్ నటుడు నరేష్, పవిత్ర లోకేష్ జోడీ గురించి ప్రత్యేకంగా చెప్పనక్కర్లేదు. వీరిద్దరూ ఎక్కడికి వెళ్లినా సెంటర్ ఆఫ్ అట్రాక్షన్‌గా నిలుస్తుంటారు. తాజాగా నరేష్ పుట్టినరోజు వేడుకల్లో పవిత్ర లోకేష్ చేసిన వ్యాఖ్యలు ఇప్పుడు నెట్టింట వైరల్ అవుతున్నాయి. ముఖ్యంగా నరేష్‌లోని ఒక రహస్యాన్ని బయటపెడుతూ ఆమె చేసిన కామెంట్స్ విని అందరూ ముక్కున వేలేసుకుంటున్నారు.

ఆయన ఎనర్జీ పదిమందితో సమానం!

నరేష్ వ్యక్తిత్వం గురించి మాట్లాడుతూ పవిత్ర ఆసక్తికర విషయాలు పంచుకున్నారు. “ఆయనలో ఉన్న ఎనర్జీని తట్టుకోవడం ఎవరి వల్ల కాదు. నరేష్ ఒక పదిమంది మనుషుల ఎనర్జీతో సమానం. ఆయన వేగాన్ని నేనైతే అస్సలు అందుకోలేకపోతున్నాను. చివరికి మా స్టాఫ్ కూడా ఆయన ఎనర్జీని తట్టుకోలేక అలిసిపోతుంటారు” అంటూ చెప్పుకొచ్చారు.

తెల్లవారుజామున 4:30 కే షురూ..

నరేష్ క్రమశిక్షణ చూసి తానూ ఆశ్చర్యపోతుంటానని పవిత్ర తెలిపారు. “ఆయన ప్రతిరోజూ తెల్లవారుజామున 4:30 గంటలకే నిద్రలేస్తారు. ఇప్పటికీ తాను చేసే ప్రతి క్యారెక్టర్ కోసం ఎంతో హోమ్ వర్క్ చేస్తారు. రాత్రి అయ్యేసరికి నాకు ఓపిక అయిపోతుంది.. ‘ఇక నావల్ల కాదు బాబోయ్, మీరే చూసుకోండి’ అని ఆయనకు చెప్పేస్తాను” అంటూ నవ్వుతూ తన మనసులోని మాటను బయటపెట్టారు.

వచ్చే జన్మలో కూడా మీరే కావాలి!

నరేష్‌తో తనకున్న బంధం గురించి చెబుతూ పవిత్ర కాస్త ఎమోషనల్ అయ్యారు. “ఆయన ఒక రాజులా బతుకుతారు. ప్రతి నిమిషాన్ని సంతోషంగా గడపాలన్నదే ఆయన ఫిలాసఫీ. ఈ జన్మలోనే కాదు.. వచ్చే జన్మలో కూడా నేను మీతోనే ఉండాలి” అంటూ నరేష్‌పై ఉన్న ప్రేమను వ్యక్తపరిచారు. 54 ఏళ్ల సినీ ప్రస్థానాన్ని పూర్తి చేసుకున్న నరేష్, మరిన్ని మంచి సినిమాలు చేయాలని ఆమె ఆకాంక్షించారు.

నరేష్-పవిత్రల మధ్య ఉన్న ఆ అన్యోన్యత చూసి నెటిజన్లు ఫిదా అవుతున్నారు. ఈ వయసులో కూడా నరేష్ అంత యాక్టివ్‌గా ఉండటం వెనుక పవిత్ర ఇచ్చే సపోర్ట్ కూడా ఉందంటూ కామెంట్స్ చేస్తున్నారు. ఏదేమైనా ఈ “రియల్ లైఫ్” కపుల్ ఇప్పుడు టాలీవుడ్‌లో హాట్ టాపిక్‌గా నిలిచారు.

మీరేమంటారు? నరేష్-పవిత్రల జోడీపై మీ అభిప్రాయాన్ని కింద కామెంట్ చేయండి!