మెగాస్టార్ చిరంజీవి (Chiranjeevi) ఫ్యాన్స్కు ‘విశ్వంభర’ (Vishwambhara) మూవీ అప్డేట్స్ ఇప్పుడు ఒక పజిల్ లాగా మారాయి. ‘భోళా శంకర్’ చేదు జ్ఞాపకం తర్వాత మెగాస్టార్ నటిస్తున్న సోషియో ఫాంటసీ మూవీ కావడంతో దీనిపై భారీ అంచనాలు నెలకొన్నాయి. అయితే, మొదట్లో ఉన్న జోష్ ఇప్పుడు వాయిదాల వల్ల ఆవిరవుతోందా అన్న సందేహాలు మొదలయ్యాయి.
వీఎఫెక్స్ సెగ.. తప్పని ట్రోలింగ్!
Vishwambhara VFX reworking ఇప్పుడు ఈ సినిమా ఆలస్యానికి ప్రధాన కారణంగా మారింది. మొదట రిలీజ్ చేసిన టీజర్లోని సబ్స్టాండర్డ్ విజువల్స్ చూసి సోషల్ మీడియాలో భారీగా ట్రోలింగ్ జరగడంతో, మెగా టీం ఆత్మరక్షణలో పడింది. 2025 సంక్రాంతికి రావాల్సిన సినిమా, కేవలం క్వాలిటీ కోసమే వాయిదా పడుతూ వచ్చింది. ఏడాది దాటినా ఇంకా రీవర్క్ జరుగుతూనే ఉండటం గమనార్హం.
శంకర వరప్రసాద్ హిట్.. మరి విశ్వంభర ఎప్పుడు?
ఇదే సమయంలో వచ్చిన ‘మన శంకర వరప్రసాద్’ (Mana Shankara Vara Prasad) మూవీ సంక్రాంతికి బాక్సాఫీస్ వద్ద భారీ విజయాన్ని అందుకుంది. దీంతో మెగా ఫ్యాన్స్ దృష్టి మళ్ళీ విశ్వంభర పై పడింది. Vishwambhara Release Date 2026 గురించి టీం ఇచ్చిన క్లారిటీ ప్రకారం వేసవిలో సినిమా వస్తుందని ఆశిస్తుంటే, ఇప్పుడు అనూహ్యంగా ‘జులై 10’ అంటూ మరో కొత్త డేట్ సోషల్ మీడియాలో హల్చల్ చేస్తోంది.
మెగా ఫ్యాన్స్ లో టెన్షన్.. కాన్ఫిడెన్స్ నింపేది ఎవరు?
వరుసగా వాయిదాలు పడుతుంటే సినిమాపై హైప్ తగ్గుతుందనే ఆందోళన అభిమానుల్లో కనిపిస్తోంది. “ఇంకా ఎంత టైం కావాలి విశ్వంభరా?” అంటూ మెగా ఫ్యాన్స్ సోషల్ మీడియా వేదికగా ప్రశ్నిస్తున్నారు. జులైకి వాయిదా పడటానికి కారణమేంటి? ఔట్ పుట్ ఇంకా సరిగ్గా రాలేదా? అనే అనుమానాలు వ్యక్తమవుతున్నాయి. తక్షణమే ఒక పవర్ ఫుల్ గ్లింప్స్ రిలీజ్ చేసి మేకర్స్ క్లారిటీ ఇవ్వాలని ఫ్యాన్స్ కోరుతున్నారు.