అవసరానికి వాడుకుని వదిలేసిందా? రష్మిక పెళ్లి వేళ ఆ హీరో ఫ్యాన్స్ ‘తీవ్ర’ ఆరోపణలు!

టాలీవుడ్ సెన్సేషనల్ కపుల్ రష్మిక మందన్న, విజయ్ దేవరకొండ పెళ్లి పీటలు ఎక్కబోతున్నారనే వార్త అధికారికం కావడంతో సోషల్ మీడియా ఊగిపోతోంది. ఈ ‘విరోష్’ (VIROSH) వెడ్డింగ్ సెలబ్రేషన్స్ ఒక పక్క నడుస్తుంటే, మరోపక్క రష్మిక మాజీ ప్రియుడు రక్షిత్ శెట్టి పేరు మళ్ళీ తెరపైకి వచ్చింది. ఒకప్పుడు నిశ్చితార్థం దాకా వెళ్లి, ఆపై బ్రేకప్ చేసుకున్న ఈ జంట పాత గాయాలను నెటిజన్లు ఇప్పుడు మళ్ళీ తవ్వుతున్నారు. ముఖ్యంగా రష్మిక తన ఎదుగుదల కోసం రక్షిత్‌ను వాడుకుని వదిలేసిందనే ఆరోపణలు ఇప్పుడు సెన్సేషన్ సృష్టిస్తున్నాయి.

స్టార్‌డమ్ కోసం రక్షిత్.. సెటిల్ అవ్వడానికి విజయ్!

రష్మిక మందన్న కెరీర్ ఆరంభంలో ‘కిరిక్ పార్టీ’ సినిమాతో కన్నడ ఇండస్ట్రీలోకి ఎంట్రీ ఇచ్చింది. ఆ సినిమా సమయంలోనే హీరో, నిర్మాత అయిన రక్షిత్ శెట్టితో ప్రేమలో పడి, 21 ఏళ్లకే నిశ్చితార్థం చేసుకుంది. అయితే, తెలుగులో ‘గీత గోవిందం’ వంటి భారీ హిట్లు రాగానే, రక్షిత్‌కు హ్యాండ్ ఇచ్చేసిందనేది కన్నడ అభిమానుల ప్రధాన ఆరోపణ. “కన్నడలో నిలదొక్కుకోవడానికి రక్షిత్‌ను ఒక మెట్టులా వాడుకుంది, పాపులారిటీ వచ్చాక కెరీర్ సాకుతో నిశ్చితార్థం రద్దు చేసుకుంది” అంటూ సోషల్ మీడియాలో తీవ్రస్థాయిలో విమర్శలు వ్యక్తమవుతున్నాయి.

ప్రశాంతంగా బతకనివ్వండి – రక్షిత్ ఆవేదన!

రష్మికతో విడిపోయిన తర్వాత రక్షిత్ శెట్టి ఎంతటి మానసిక వేదనను అనుభవించారో ఆయన పాత సోషల్ మీడియా పోస్టులు చూస్తే అర్థమవుతుంది. ఆ సమయంలో ఆయన పెట్టిన ఒక పోస్ట్ ఇప్పుడు మళ్ళీ వైరల్ అవుతోంది. “నన్ను ప్రశాంతంగా బతకనివ్వండి.. ఏమీ ప్రశ్నించవద్దు.. నేను నా పని మీద దృష్టి పెట్టడానికే సోషల్ మీడియాకు దూరంగా ఉంటున్నాను” అంటూ ఆయన అప్పట్లో ఆవేదన వ్యక్తం చేశారు. ఆ మాటల వెనుక రష్మిక ఇచ్చిన షాక్ ఎంతలా ఉందో ఊహించుకోవచ్చని నెటిజన్లు విశ్లేషిస్తున్నారు.

వదిలేయడం ఒక స్కెచ్‌?

నిశ్చితార్థం రద్దయిన సమయంలో రష్మిక తన తల్లిదండ్రుల నిర్ణయం మేరకే విడిపోతున్నట్లు ప్రకటించింది. కానీ, అసలు కారణం మాత్రం ఆమె కెరీర్ ప్లానింగ్ అని ఇండస్ట్రీ వర్గాల్లో చర్చ నడిచింది. పెళ్లి చేసుకుంటే స్టార్ హీరోయిన్ అయ్యే అవకాశం ఉండదని భావించే రక్షిత్‌ను దూరం పెట్టిందనేది ఇప్పుడు వైరల్ అవుతున్న ప్రధాన అంశం. విజయ్ దేవరకొండతో పెళ్లి వార్తలు వస్తున్న తరుణంలో, రక్షిత్ శెట్టి పడ్డ బాధను తలుచుకుంటూ నెటిజన్లు ‘వాడుకుని వదిలేయడం’ అనే యాంగిల్‌లో పోస్టులు పెడుతున్నారు.

ప్రేమ, పెళ్లి అనేవి ఎవరి వ్యక్తిగత విషయాలైనా.. ఒకరి ఎదుగుదలకు మరొకరిని వాడుకోవడం అనేది నైతికంగా సరైనది కాదని రక్షిత్ అభిమానులు వాదిస్తున్నారు. రష్మిక-విజయ్ పెళ్లి చేసుకుంటున్న ఈ తరుణంలో పాత ప్రేమకథలోని చేదు నిజాలు మళ్ళీ చర్చకు రావడం ఇండస్ట్రీలో హాట్ టాపిక్‌గా మారింది. రష్మిక ఎదుగుదల వెనుక ఉన్నది రక్షిత్ ఇచ్చిన లైఫ్ అని కొందరు అంటుంటే, అది కేవలం కుదరని బంధమని మరికొందరు సమర్థిస్తున్నారు. మరి ఈ వివాదంపై మీ అభిప్రాయం ఏంటి? మీ స్పందనను కామెంట్ రూపంలో తెలియజేయండి.