సినిమా వార్తలు
గుండె ధైర్యం ఉంటేనే చూడండి: ఓటీటీని షేక్ చేసిన హారర్ సిరీస్ ఇప్పుడు ఫ్రీగా.. ఎక్కడో తెలుసా?
ఒకప్పుడు భయపడాలన్నా, థ్రిల్ అవ్వాలన్నా థియేటర్ చీకటి గదిలోకి వెళ్లాల్సి వచ్చేది. కానీ ఇప్పుడు కాలం మారింది.. భయం మన అరచేతిలోకి వచ్చేసింది! ఓటీటీ ప్లాట్ఫామ్స్ పుణ్యమా అని ప్రపంచవ్యాప్తంగా ఉన్న అత్యంత భయంకరమైన సినిమాలు మన బెడ్ రూమ్లోకి వస్తున్నాయి. ఈ క్రమంలోనే, డిజిటల్ స్క్రీన్లను వణికించిన ఒక సెన్సేషనల్ హారర్ వెబ్ సిరీస్ ఇప్పుడు అందరికీ అందుబాటులోకి వచ్చింది. అదీ పైసా ఖర్చు లేకుండా! ఆ సిరీస్ ఏంటి? దాని కథాకమీమామిషు ఏంటో తెలిస్తే మైండ్ బ్లాక్ అవ్వాల్సిందే.
ఫ్రీగా వచ్చేసిన ‘సైకో’ థ్రిల్లర్!
తమిళంలో రూపొంది, విమర్శకుల ప్రశంసలు అందుకున్న హారర్ థ్రిల్లర్ వెబ్ సిరీస్ “కరువనమ్” (Karuvanam). ఇన్నాళ్లూ కేవలం ఓటీటీ సబ్స్క్రిప్షన్ ఉన్నవారికే పరిమితమైన ఈ భయంకరమైన సిరీస్, ఇప్పుడు నేరుగా యూట్యూబ్ (YouTube) లోకి వచ్చేసింది. కేవలం మూడు ఎపిసోడ్లతో కూడిన ఈ సిరీస్, విడుదలైన కొద్ది గంటల్లోనే ట్రెండింగ్లోకి దూసుకెళ్లింది. భాష తెలియకపోయినా పర్వాలేదు, ఇంగ్లీష్ సబ్ టైటిల్స్తో మేకర్స్ దీనిని స్ట్రీమింగ్ చేస్తున్నారు.
కథేంటంటే.. ఒళ్ళు గగుర్పొడచాల్సిందే!
మీరా, షాలిని అనే ఇద్దరు అనాథలు ఒక ఆశ్రమంలో పెరుగుతుంటారు. వీరిని ఒక ధనవంతురాలు దత్తత తీసుకుంటుంది. అయితే, ఊహించని విధంగా ఆ తల్లి మరణిస్తుంది. ఆ తర్వాత ఆ ఇద్దరు అమ్మాయిలు ఆ పాత బంగ్లాలో కొన్ని రోజులు గడపాల్సి వస్తుంది. ఆ ఇంట్లోకి వెళ్ళినప్పటి నుండి వారికి ఎదురైన వింత అనుభవాలు, వణుకు పుట్టించే దృశ్యాలు ఈ సిరీస్ హైలైట్. అసలు ఆ తల్లి ఎలా చనిపోయింది? ఆ ఇంట్లో ఉన్న అదృశ్య శక్తి ఏంటి? అన్నది ప్రతి సెకను ఉత్కంఠను రేకెత్తిస్తుంది.
టెక్నికల్ మాస్టర్ పీస్!
దర్శకుడు కుమరన్ సుందరన్ ఈ సిరీస్ను మలిచిన తీరు అద్భుతం. ఉదయ సుందరి, జయ శ్రీ విజయన్ తమ నటనతో ప్రేక్షకులను భయపెట్టడంలో వంద శాతం సక్సెస్ అయ్యారు. సౌండ్ ఎఫెక్ట్స్ మరియు బ్యాక్గ్రౌండ్ మ్యూజిక్ సినిమా చూస్తున్నంత సేపు సీటు అంచున కూర్చోబెడతాయి. యూట్యూబ్లో ఈ సిరీస్ చూసిన నెటిజన్లు “నిజంగా ధైర్యం ఉన్నవారే దీనిని చూడగలరు” అంటూ కామెంట్స్ చేస్తున్నారు.
హారర్ సినిమాలను ఇష్టపడే వారికి, సరికొత్త థ్రిల్ కోరుకునే వారికి ‘కరువనమ్’ ఒక పర్ఫెక్ట్ ఛాయిస్. రాత్రిపూట ఒంటరిగా, హెడ్ఫోన్స్ పెట్టుకుని ఈ సిరీస్ చూస్తే కలిగే ఆ ‘కిక్కు’ వేరే లెవల్! ఇంకెందుకు ఆలస్యం.. వెంటనే యూట్యూబ్లోకి వెళ్లి ఈ వణుకు పుట్టించే సిరీస్ను చూసేయండి. కానీ ఒక్కటి మాత్రం గుర్తుంచుకోండి.. ఇది చూశాక మీకు నిద్ర పట్టకపోతే మాత్రం మమ్మల్ని అడగకండి!
