‘‘ఇద్దరు డైనమిక్‌ వ్యక్తుల కాంబినేషన్‌లో బాక్సాఫీస్‌ విధ్వంసమయ్యే అనుభూతికి సిద్ధకండి. 25 జూన్ 2026న థియేటర్లు దద్దరిల్లే సౌండ్స్‌ మీరు వింటారు. మాస్‌లకే మాస్‌ అయిన ఎన్టీఆర్ పుట్టినరోజున ప్రత్యేక గ్లింప్స్‌తో వస్తాం’’ -మైత్రీ మూవీ మేకర్స్‌
ఎన్టీఆర్ (NTR) హీరోగా ప్రశాంత్‌ నీల్ (Prashanth Neel) దర్శకత్వంలో ఓ చిత్రం రూపొందుతున్న సంగతి తెలిసిందే. పీరియాడిక్‌ యాక్షన్‌ డ్రామాగా ముస్తాబవుతున్న ఈ చిత్రం కొత్త విడుదల తేదీని నిర్మాణ సంస్థ మైత్రీ మూవీ మేకర్స్‌ ప్రకటించింది. 2026 జూన్25న ‘ఎన్టీఆర్-నీల్’ మూవీని విడుదల చేయనున్నట్లు తెలిపింది. అయితే ఎన్టీఆర్-నీల్ విడుదల తేదీపై అభిమానులు అసంతృప్తితో ఉన్నారు.
తొలుత అనుకున్న షెడ్యూల్‌ ప్రకారం వచ్చే ఏడాది సంక్రాంతి కానుకగా ప్రేక్షకుల ముందుకు తీసుకొస్తామని చిత్ర బృందం ప్రకటించింది.
ఇది పెద్ద పండుగ సీజన్ కాబట్టి చాలా మంచి తేదీ. కానీ షూటింగ్‌లో జాప్యం కారణంగా సినిమా వాయిదా పడింది .
కథకు ఉన్న డిమాండ్‌ దృష్ట్యా చిత్రీకరణకు మరి కొంత సమయం పట్టే అవకాశం ఉంది. అలాగే పోస్ట్‌ ప్రొడక్షన్స్‌ పనులు సైతం ఆలస్యమయ్యేలా కనిపిస్తుండటంతో కొత్త విడుదల తేదీని ప్రకటించారు. దాంతో ఇటీవలే 2026 జూన్ 25న విడుదల తేదీని అధికారికంగా ప్రకటించింది తారక్ అండ్ టీమ్.
జూన్ చివరి విడుదల సమయంలో ఎటువంటి పబ్లిక్ హాలిడేలు లేవు. ఇది పెద్ద సీజన్ కాదు. మరో సమస్య ఏమిటంటే, ఈ చిత్రం గ్లోబల్ మార్కెట్‌లో బాగా ఆడాలి, అయితే ఆ సమయంలో, చాలా భారీ-బడ్జెట్ హాలీవుడ్ చిత్రాలు థియేటర్లలో విడుదలవుతాయి, ఇది ఖచ్చితంగా ఓవర్సీస్ విడుదలలపై ప్రభావం చూపుతుంది.
