‘ఛలో’, ‘భీష్మ’ వంటి హిట్ సినిమాల తర్వాత వెంకీ కుడుముల దర్శకత్వంలో వచ్చిన చిత్రం ఇది. నితిన్, శ్రీలీల జోడీగా వచ్చిన సినిమాపై రిలీజ్ కు ముందు మంచి అంచనాలే ఉన్నాయి. మైత్రి మూవీ మేకర్స్ నిర్మించిన ఈ చిత్రం, మార్చి 28న ఉగాది స్పెషల్‌గా విడుదలైంది. ఆస్ట్రేలియా క్రికెటర్ డేవిడ్ వార్నర్ స్పెషల్ గెస్ట్ రోల్ కూడా చేయడంతో మరింత క్యూరియాసిటీ పెరిగింది.
కానీ అంచనాలన్ని తలకిందులయ్యాయి. విడుదలైన తొలి రోజే నెగటివ్ టాక్ వినిపించింది. సినిమా స్టోరీ, స్క్రీన్‌ప్లే, హ్యూమర్ టోన్ – ఇవేమీ ప్రేక్షకులను ఆకట్టుకోలేకపోయాయి. కామెడీ ఉన్నా, అది కన్విన్సింగ్‌గా కనిపించకపోవడంతో థియేటర్లలో ప్రేక్షకులు విసిగిపోయారు. ఫలితంగా ఈ చిత్రం పండుగ సెలవుల్లోను బాక్సాఫీస్‌ను క్యాష్ చేసుకోలేకపోయింది.
బిజినెస్ అంచనాలు vs గ్రౌండ్ రిజల్ట్
ఈ సినిమా కోసం మైత్రి మూవీ మేకర్స్ థియేట్రికల్‌గా సుమారు ₹28 కోట్లు వ్యాపారం చేశారు. కానీ సినిమా బ్రేక్ ఈవెన్ కావాలంటే ₹28.5 కోట్ల షేర్ రావాలి. కానీ, పూర్తి రన్‌లో ఈ చిత్రం కేవలం ₹12 కోట్ల షేర్ మాత్రమే రాబట్టింది. అంటే, ఈ చిత్రం ఒక డిజాస్టర్‌గా నిలిచిందనేది సుస్పష్టం.
ఇప్పుడు ఓటిటి లో లాస్ట్ ఛాన్స్!
ఇప్పుడు మాత్రం మళ్లీ అవకాశాన్ని పట్టుకోవాలని చూస్తోంది ‘రాబిన్ హుడ్’. మే 10, 2025న Zee5లో ఈ సినిమా డిజిటల్ ప్రీమియర్‌కు సిద్ధమవుతోంది. థియేటర్లలో ఫెయిలైనా, ఓటిటిలో ఎప్పుడైనా విజయం సాధించిన సినిమాల లిస్ట్ చిన్నది కాదు.
కానీ ఓటిటి ఆడియన్స్ ఇంకాస్త స్ట్రిక్ట్… స్క్రిప్ట్, కామెడీ, ఎడిటింగ్ – ఏదైనా లోపం ఉంటే వెంటనే ట్రోలింగ్ మొదలవుతుంది.
