‘మన శంకరవరప్రసాద్ గారు’ ట్రైలర్ వచ్చేసింది, ఎలా ఉందంటే…

మెగాస్టార్ చిరంజీవి అభిమానులు నెలల తరబడి ఊపిరి బిగబట్టి ఎదురుచూసిన క్షణం ఎట్టకేలకు వచ్చింది. ‘మన శంకరవరప్రసాద్ గారు’ ట్రైలర్… అదీ సాధారణంగా కాదు, తిరుపతి లాంటి పవిత్ర వేదిక మీద, భారీ అభిమాన సమక్షంలో రిలీజ్ కావడం — ఇది కేవలం ప్రమోషన్ కాదు… ఒక సెలబ్రేషన్.

ట్రైలర్ మొదటి ఫ్రేమ్ నుంచే ఓ విషయం క్లియర్ అయిపోతుంది — ఇది నెమ్మదిగా నడిచే సినిమా కాదు. ఇది థియేటర్‌ని పండగ మూడ్‌లోకి తోసేసే మాస్ ఫ్యామిలీ ఎంటర్టైనర్.

స్టార్ డైరెక్టర్ అనిల్ రావిపూడి తన మార్క్ కామెడీని ఈసారి మరింత షార్ప్‌గా, చిరంజీవి ఇమేజ్‌కి పర్ఫెక్ట్‌గా మలిచాడని ట్రైలర్ చెబుతోంది. డైలాగ్స్‌లో పంచ్, సిచ్యుయేషన్లలో నవ్వు, మధ్య మధ్యలో చిరు స్టైల్ యాక్షన్ — అభిమానులు ఊహించుకున్నదానికంటే కొంచెం ఎక్కువే ఈ ట్రైలర్ ఇచ్చింది.

ఇక్కడ చిరంజీవి “హీరో”గా మాత్రమే కాదు… ఫ్యామిలీకి నచ్చే పెద్దమనిషిగా, మాస్‌కి కావాల్సిన ఎనర్జీతో. పండగకు కావాల్సిన వినోదంగా కనిపిస్తాడు.

చిరు సరసన నయనతార గ్లామర్ కాకుండా గ్రేస్‌తో స్క్రీన్‌ను నింపుతుంటే, విక్టరీ వెంకటేష్ స్పెషల్ రోల్ అనేది ట్రైలర్‌లోనే హైలైట్‌గా నిలిచింది. చిరు – వెంకీ కాంబినేషన్‌కు బ్యాక్‌గ్రౌండ్‌లో వచ్చే మాస్ టచ్… థియేటర్లలో సీట్లో కూర్చోనివ్వని రేంజ్‌లో ఉంది.

ఇప్పటికే రిలీజ్ అయిన పాటల వల్ల ఏర్పడిన హైప్‌కి ఈ ట్రైలర్ మరింత ఇంధనం పోసింది. భీమ్స్ భీమ్స్ సిసిరోలియో ఇచ్చిన మ్యూజిక్ — ట్రైలర్‌లో బ్యాక్‌గ్రౌండ్‌లో వింటూనే “ఇది పండగ సినిమా” అన్న ఫీలింగ్‌ను స్ట్రాంగ్‌గా నాటేస్తుంది. ‘మీసాల పిల్ల’, ‘శశిరేఖ’ పాటల మాస్ వైబ్స్‌ని గుర్తు చేసేలా ట్రైలర్ ఎడిటింగ్ కూడా ఎనర్జీతో నిండిపోయింది.

ముఖ్యంగా చెప్పుకోవాల్సింది ఏంటంటే — ఈ ట్రైలర్ కథ మొత్తం చెప్పేయలేదు. అలాగే కేవలం ఫ్యాన్ సర్వీస్‌కే పరిమితం కాలేదు.
ఫన్ , మాస్, ఫ్యామిలీ ఎమోషన్, స్టార్ పవర్ — ఇవన్నీ బ్యాలెన్స్ చేస్తూ “సంక్రాంతికి థియేటర్‌కి రావాల్సిందే” అన్న ఆలోచనని ప్రేక్షకుల మైండ్‌లో ఫిక్స్ చేస్తుంది.

షైన్ స్క్రీన్స్, గోల్డ్ బాక్స్ ఎంటర్‌టైన్మెంట్స్ బ్యానర్లపై సాహు గారపాటి, సుస్మిత కొణిదెల నిర్మాణంలో తెరకెక్కుతున్న ఈ చిత్రం…
2026 జనవరి 12న సంక్రాంతి కానుకగా విడుదల కానుండగా, ఈ ట్రైలర్‌తో ఒక్క విషయం మాత్రం ఖరారు — చిరంజీవి అభిమానులకు ఇది వెయిట్ విలువైనదే. ఫ్యామిలీ ఆడియన్స్‌కి ఇది పండగ సినిమా. థియేటర్లకి ఇది ఫుల్ ఎనర్జీ ప్యాక్.

ఇప్పుడు మిగిలింది ఒక్కటే… సంక్రాంతి వస్తే థియేటర్‌లో సందడి మొదలవ్వడం.