పవన్ కళ్యాణ్ డిప్యూటీ సీఎం అయిన తర్వాత విడుదలవుతున్న తొలి సినిమా హరిహర వీర మల్లు. రెండు సంవత్సరాల గ్యాప్ తర్వాత వస్తున్న పవన్ మూవీగా, ఈ సినిమా చుట్టూ ఇప్పుడు ఊహాగానాలూ, అంచనాలూ ఊపెక్కిస్తున్నాయి. సోషల్ మీడియా నుంచీ, ఫిలిం సర్కిల్ వరకూ – ఈ సినిమానే చర్చ. ముఖ్యంగా, ఈ ఏడాది ఇప్పటి వరకూ పెద్ద సినిమాలేవీ లేని నేపథ్యంలో థియేటర్లు ఖాళీగానే ఉన్నాయి. ఇప్పుడు ఈ ఖాళీని హరిహర వీరమల్లు పూరించబోతోంది.
గమనించదగ్గ విషయం ఏంటంటే – డిస్ట్రిబ్యూటర్స్ కు సంభందం లేకుండా, తెలుగు రాష్ట్రాల్లోని థియేటర్ యజమానులంతా స్వచ్ఛందంగా ఈ సినిమాని రిలీజ్ చేయడానికి ముందుకొచ్చారు. ఏకంగా 95 శాతం థియేటర్లలో ఫస్ట్ డే రిలీజ్ కాబోతుంది. పైగా, ఏపీ, తెలంగాణలోని ప్రతి స్క్రీన్‌లో ప్రీమియర్ షోలు వేయబోతుండటం ఆవిష్కరణాత్మకమైన నిర్ణయం. ఇది నిజంగా ఒక రికార్డే.
ఈ సినిమాకి ఏపీ ప్రభుత్వం టికెట్ ధరల పెంపు, ప్రత్యేక ప్రీమియర్ షోల అనుమతులు కూడా మంజూరు చేసింది. తొలి రోజే భారీ ఓపెనింగ్ ఖాయంగా కనిపిస్తోంది. ఇక సినిమా హిట్ అవుతుందా లేదంటే పూర్తిగా పబ్లిక్ టాక్ మీదే ఆధారపడి ఉంటుంది.
ఈ భారీ హిస్టారికల్ యాక్షన్ డ్రామాకి డైరెక్టర్ ఏఎం జ్యోతికృష్ణ. నిర్మాత ఏఎం రత్నం. సంగీతం ఎమ్.ఎమ్. కీరవాణి. బాబీ డొయల్, నిధి అగర్వాల్ ఇతర ప్రధాన పాత్రల్లో కనిపించనున్నారు.
2025లోని పెద్ద సినిమా వేడి మొదలైంది!
