Hero Rajasekhar Bold Statement: టాలీవుడ్ యాంగ్రీ యంగ్ మ్యాన్ రాజశేఖర్ తన పర్సనల్ లైఫ్ గురించి చేసిన బోల్డ్ కామెంట్స్ ఇప్పుడు సోషల్ మీడియాలో వైరల్ అవుతున్నాయి. తన భార్య జీవిత పక్కన ఉండగానే, తాను చేసిన తప్పుల గురించి ఆయన ఓపెన్గా మాట్లాడటం సంచలనం సృష్టిస్తోంది.
“నేను రాముడిని కాదు.. జీవితకు అన్నీ తెలుసు!”
ఇటీవల ఒక ఇంటర్వ్యూలో రాజశేఖర్ తన రొమాంటిక్ లైఫ్ గురించి సంచలన విషయాలు పంచుకున్నారు. “నేనేమీ శ్రీరామచంద్రుడిని కాదు. పెళ్లికి ముందు నాకు లవ్ అఫైర్స్ ఉన్నాయి.. పెళ్లి తర్వాత కూడా కొన్ని యాక్సిడెంటల్గా జరిగాయి” అంటూ నవ్వుతూనే బాంబు పేల్చారు. పక్కనే భార్య జీవిత ఉన్నప్పటికీ, తన తప్పులను ఒప్పుకోవడంలో ఆయన వెనకాడలేదు. జీవిత తన లైఫ్లోకి వచ్చాక కూడా కొన్ని పొరపాట్లు జరిగినట్లు రాజశేఖర్ అంగీకరించడం విశేషం.
తారా చౌదరీతో సంబంధంపై క్లారిటీ!
గతంలో రాజశేఖర్ పేరు తారా చౌదరీ (Tara Chowdary) వివాదంలో బలంగా వినిపించింది. ఆమెతో ఉన్న ఫోటోలు లీక్ అవ్వడం అప్పట్లో టాలీవుడ్లో పెద్ద దుమారం రేపింది. దీనిపై స్పందిస్తూ.. “తారా చౌదరీ కేవలం అభిమానంతోనే ఫోటోలు దిగింది. ఆమెతో నాకు ఎలాంటి సంబంధం లేదు. ఒకవేళ ఉంటే డైరెక్ట్గా చెబుతాను, ఎవరికీ భయపడాల్సిన అవసరం నాకు లేదు. భయపడితే నా భార్య జీవితకే భయపడాలి” అంటూ క్లారిటీ ఇచ్చారు.
చిరంజీవితో గొడవలు.. వివాదాలకు కేరాఫ్ అడ్రస్!
రాజశేఖర్ కెరీర్ ప్రారంభం నుండి వివాదాలు ఆయన్ని నీడలా వెంటాడుతూనే ఉన్నాయి. మెగాస్టార్ చిరంజీవి (Chiranjeevi) తో నడిచిన సుదీర్ఘ గొడవలు, దర్శకేంద్రుడు రాఘవేంద్రరావుతో వివాదాలు, షూటింగ్లకు లేట్గా వస్తారనే విమర్శలు.. ఇలా ఎన్నో ఒడిదుడుకులను ఎదుర్కొని రాజశేఖర్ స్టార్గా ఎదిగారు. ప్రస్తుతం ఆయన సెకండ్ ఇన్నింగ్స్లో చాలా స్ట్రాంగ్గా కనిపిస్తున్నారు.
శర్వానంద్ ‘బైకర్’.. రాజశేఖర్ అదిరిపోయే రీఎంట్రీ!
చివరగా ‘ఎక్స్ట్రార్డినరీ మ్యాన్’లో కనిపించిన రాజశేఖర్, ఇప్పుడు వరుస సినిమాలతో బిజీ అవుతున్నారు. యంగ్ హీరో శర్వానంద్ (Sharwanand) నటిస్తున్న ‘బైకర్’ (Biker) మూవీలో ఒక పవర్ఫుల్ రోల్ చేస్తున్నారు. అలాగే తమిళ హిట్ మూవీ ‘లబ్బర్ పందు’ (Lubber Pandhu) రీమేక్లో కూడా నటిస్తూ కమ్ బ్యాక్ కోసం రెడీ అవుతున్నారు.