టాలీవుడ్‌లో ప్రస్తుతం మోస్ట్ వాంటెడ్ టాపిక్ – విజయ్ దేవరకొండ నటించిన “కింగ్‌డమ్”. ఓపెనింగ్ డేస్ నుంచే బ్లాక్‌బస్టర్ టాక్ కొట్టేసే సినిమాల జాబితాలోకి ఇది వెళ్లిపోతుందా? లేక గత సినిమాల్లాగే ఆశల్ని ఆవిరి చేస్తుందా అన్నది మిలియన్ డాలర్ ప్రశ్న. కానీ, ఈ సినిమాలో అసలైన USP ఏంటంటే… అది శ్రీలంక బ్యాక్‌డ్రాప్ కాదు, యాక్షన్ ఎపిసోడ్స్ కాదు… అన్నదమ్ముల మద్య ఉన్న హృదయ స్పర్శభరితమైన బంధం!
కథలోని అసలైన హైపాయింట్: “బ్రదర్ సెంటిమెంట్”
దర్శకుడు గౌతమ్ తీసుకున్న చొరవ… విజయ్ దేవరకొండ లాంటి మాస్ హీరో చేత తమ్ముడిగా ఒక పోలీస్ పాత్రను చేయించడం మాత్రమే కాదు, ఆయన తండ్రిగా, పెద్దన్నగా ఉన్న పాత్రలో నటించే క్యారెక్టర్‌ను చాలా బలంగా చూపించడమే అసలు క్లైమాక్స్ పాయింట్.
ఈ కథ మొత్తం, తమ్ముడిగా ఉన్న పోలీస్ హీరో తన అన్నకు జరిగిన అన్యాయానికి ఎలా తిరగబడతాడు? అనే ఎమోషనల్ నేరేషన్ చుట్టూ తిరుగుతుంది. ఇక ఇటీవల రిలీజ్ అయిన సెకండ్ లిరికల్ వీడియో ఈ ఎమోషన్‌ను డైరక్ట్‌గా హార్ట్‌ను టచ్ చేసేలా రెవీల్ చేసింది.
మాస్ అండ్ ఎమోషన్ మిక్స్
“కింగ్‌డమ్” టీం స్పష్టంగా చెప్పకపోయినా… ఇండస్ట్రీలో మాటల ప్రకారం, ఈ సినిమా హైలైట్ – క్లైమాక్స్ బ్రదర్ సీన్. అక్కడే ఆడియన్స్ కళ్లలో నీళ్లు వస్తాయట. ఫ్యామిలీ ఆడియన్స్‌కి ఇది పెద్దగా కనెక్ట్ అవుతుందని మేకర్స్ కాన్ఫిడెంట్‌గా ఉన్నారు. శ్రీలంకలోని ఆర్మీ, పోలీస్ వ్యవస్థపై ఉన్న కథను మన కుటుంబ విలువలతో మిక్స్ చేయడం దర్శకుడి మేజర్ ట్రయంఫ్ అన్నమాట.
ప్ర‌మోష‌న్స్‌లో స్పెషల్ టచ్: అనిరుధ్ లైవ్ షో?
ప్రీ రిలీజ్ ఈవెంట్‌ను గ్రాండ్‌గా ప్లాన్ చేస్తున్న నిర్మాత నాగ వంశీ… మ్యూజిక్ డైరెక్టర్ అనిరుధ్ లైవ్ పెర్ఫార్మెన్స్‌తో ఇంకొంచెం బజ్ పెంచే ఆలోచనలో ఉన్నారు. ఇది కింగ్‌డ‌మ్‌కి మ్యూజికల్ బూస్ట్ ఇచ్చే అవకాశం. విజయ్ దేవరకొండ, భాగ్యశ్రీ బోర్సే, ఇతర తారాగణం కూడా మీడియా ముందుకు వచ్చి ఫుల్ స్కేల్ ప్ర‌మోష‌న్స్ చేయ‌బోతున్నారు.
ఫైనల్ గేమ్:
జూలై 31న “కింగ్‌డమ్” రిలీజ్. ఈసారి విజయ్ దేవ‌ర‌కొండ‌కి మాస్ మిరాకిల్ అవుతుందా? లేక బ్రదర్ ఎమోష‌న్‌లో మునిగిపోయే ఫ్యామిలీ ఆడియెన్స్‌ ద్వారా ఓ కొత్త రూట్ అందుకుంటాడా? అసలు విజయ్ దేవరకొండ కాదు, ఈసారి హార్ట్‌లో నిలిచిపోయే పాత్ర మాత్రం అత‌డి అన్న పాత్ర అవుతుందేమో చూడాలి!
