స్క్రీన్‌మీదే కాకుండా, నిజ జీవితంలోనూ ఫైర్ ఉండే నటుడు మంచు మనోజ్. ఇప్పుడు తన సెకండ్ ఇన్నింగ్స్‌ని ధూమధూంగా మొదలెట్టేందుకు సిద్ధం అవుతున్నాడు – ఫుల్ మాస్ ఎంటర్టైనర్ తో! టైటిల్ ఏంటంటే… ‘అత్తరు సాయిబు’!
ఈ టైటిల్ వినగానే మనస్సులో ఏవో చిలిపి ఆలోచనలు వచ్చేస్తాయి. పక్కా మాస్ ఫ్లేవర్, ఫుల్ ఎంటర్‌టైన్‌మెంట్ మూడ్ తో ఈ సినిమా రూపొందబోతోంది. ‘90 ఎంఎల్‌’ ఫేమ్ శేఖర్ రెడ్డి దర్శకత్వంలో రూపొందబోయే ఈ చిత్రం, మనోజ్ రీఎంట్రీలో గట్టి దుమ్ము రేపే మాస్ మూవీగా నిలవబోతోందని చెప్తున్నారు.
ఇప్పటికే కథా చర్చలు పూర్తి కాగా, మాస్ ఆడియన్స్‌ను కవ్వించి, నవ్వించాలనే పథకంతో ఈ సినిమా ప్లానింగ్ జరుగుతోంది. అన్ని ఏర్పాట్లు పూర్తి చేసుకొని, ఈ నెల 20న పూజా కార్యక్రమాలతో లాంఛనంగా షూటింగ్ ప్రారంభించనున్నట్లు సమాచారం.
ఈ సినిమాతో మనోజ్ మళ్లీ తన ట్రేడ్‌మార్క్ ఎనర్జీ, డైలాగ్ డెలివరీ, విభిన్నమైన స్క్రీన్ ప్రెజెన్స్‌ని నిరూపించబోతున్నాడు.
ఇతర ప్రాజెక్టులు – ‘భైరవం’, ‘మిరాయ్‌’, ‘అహం బ్రహ్మస్మి’ లాంటి సినిమాలు ఓ వైపు ఉండగా, ‘అత్తరు సాయిబు’ మాత్రం పక్కా మాస్ లైన్ మీద నడిచే ఫస్టాఫ్ ఫైర్ అనే టాక్‌తో ముందుకు వస్తోంది.
ఇది ఒక్క సినిమా కాదు… మంచు మనోజ్ మళ్లీ ఫుల్ ఫాంలోకి వస్తున్న సిగ్నల్. ఇప్పుడు ఆట మొదలైంది.
