‘మన శంకర వర ప్రసాద్ గారు’ సినిమాతో సంక్రాంతికి భారీ బ్లాక్ బస్టర్ అందుకున్న అనిల్ రావిపూడి, ఇప్పుడు తన తర్వాతి ప్రాజెక్టుతో బాక్సాఫీస్ను షేక్ చేయడానికి రెడీ అవుతున్నారు. విక్టరీ వెంకటేష్తో అనిల్ మరోసారి జతకట్టబోతున్నారనే వార్త ఇప్పుడు టాలీవుడ్లో హాట్ టాపిక్గా మారింది. అయితే, ఈ సినిమాలో ఒక ఊహించని ట్విస్ట్ ఉంది!
వెంకీకి తోడైన ఫహద్ ఫాజిల్.. క్రేజీ మల్టీస్టారర్?
తాజా సమాచారం ప్రకారం, ఈ చిత్రంలో మలయాళ వర్సటైల్ యాక్టర్ ఫహద్ ఫాజిల్ (Fahadh Faasil) ఒక కీలక పాత్రలో నటించబోతున్నారు. వెంకటేష్ మరియు ఫహద్ మధ్య బావ-బావమరిది అనుబంధం చుట్టూ ఈ కథ తిరుగుతుందట. వీరిద్దరి ఫ్యామిలీల మధ్య జరిగే ఎమోషనల్ అండ్ కామెడీ డ్రామా ప్రేక్షకులను కడుపుబ్బ నవ్విస్తుందని టాక్.
సంక్రాంతి 2027 టార్గెట్.. షూటింగ్ ఎప్పుడంటే?
ఈ భారీ క్రేజీ ప్రాజెక్ట్ను జూన్ నెలలో సెట్స్ మీదకు తీసుకెళ్లాలని అనిల్ రావిపూడి ప్లాన్ చేస్తున్నారు. అన్నీ సవ్యంగా సాగితే 2027 సంక్రాంతి బరిలో విక్టరీ వెంకటేష్ తన మార్క్ కామెడీతో వినోదాన్ని పంచబోతున్నారు. ఇప్పటికే సంక్రాంతి స్లాట్ కోసం గట్టి పోటీ ఉన్నప్పటికీ, జక్కన్న మార్క్ ప్లానింగ్తో అనిల్ రెడీ అవుతున్నారు.
అనౌన్స్మెంట్ లేట్ అవ్వడానికి అసలు కారణం ఇదేనా?
హీరో ఫిక్స్, స్క్రిప్ట్ కూడా రెడీ.. మరి అధికారిక ప్రకటన ఎందుకు రావడం లేదు? అని అభిమానులు ఆరా తీస్తున్నారు. అందుతున్న సమాచారం ప్రకారం, ఈ సినిమా ప్రొడ్యూసర్ (Producer) ఫైనలైజ్ కాకపోవడం వల్లే ప్రకటన ఆలస్యమవుతోందట. త్వరలోనే నిర్మాత వివరాలను వెల్లడించి గ్రాండ్గా మూవీని లాంచ్ చేయబోతున్నారు.