సినిమా వార్తలు
మృణాల్ను ముట్టుకుంటే భస్మమేనా? ఈ బూడిద కుప్పలే సాక్ష్యమా?
సినిమా ఇండస్ట్రీలో సెంటిమెంట్లకు ఉన్న పవర్ ఏంటో మృణాల్ ఠాకూర్ విషయంలో ఇప్పుడు అందరికీ అర్థమవుతోంది. ‘సీతారామం’తో ఈమె అడుగుపెడితే అదృష్టం అనుకున్న వారంతా, ఇప్పుడు మృణాల్ పేరు వింటేనే భయపడిపోయే పరిస్థితి వచ్చేసింది. మృణాల్ ఏ సినిమా ముట్టుకున్నా అది భస్మమైపోతుందన్న రేంజ్లో సోషల్ మీడియాలో ట్రోల్స్ మొదలయ్యాయి. ఒకప్పుడు స్టార్ హీరోలు ఈమె డేట్స్ కోసం క్యూ కట్టిన చోట, ఇప్పుడు ఈ బూడిద కుప్పలే సాక్ష్యంగా ఆమె మార్కెట్ పాతాళానికి పడిపోయిందా? అనిపిస్తోంది.
వరుస డిజాస్టర్ల సెగ.. తెలుగులో మృణాల్ చాప్టర్ క్లోజ్?
ఒకటి కాదు రెండు కాదు, వరుసగా తగిలిన బాక్సాఫీస్ దెబ్బలు మృణాల్ ఆశలను బూడిద చేశాయి. హైప్ ఎంత ఉన్నా, సినిమా రిజల్ట్ మాత్రం డిజాస్టర్ కావడంతో టాలీవుడ్ మేకర్స్ ఈమెను పక్కన పెట్టేస్తున్నారు. దీంతో ఇక్కడ మనుగడ కష్టమని భావించిన మృణాల్, తన చివరి ప్రయత్నంగా కోలీవుడ్ వైపు చూపు మళ్లించింది. శింబు, అశ్వత్ మరిముత్తు కాంబోలో రాబోయే సినిమాలో ఈమెను ఎంపిక చేశారనే వార్త ఇప్పుడు హాట్ టాపిక్గా మారింది. కానీ అక్కడ కూడా ఈ ‘ఫ్లాప్ సెంటిమెంట్’ వెంటాడుతుందా అనే చర్చ మొదలైంది.
శింబు సినిమానే ఆఖరి ఆశ.. అక్కడైనా చిగురిస్తుందా?
తమిళ ఇండస్ట్రీలో పాగా వేయాలని చూస్తున్న మృణాల్కు శింబు సినిమా ఒక లైఫ్ లైన్ లాంటిది. ఇక్కడ పోగొట్టుకున్న స్టార్డమ్ను అక్కడైనా వెతుక్కోవాలని ఆరాటపడుతోంది. అశ్వత్ మరిముత్తు మేకింగ్ స్టైల్ మృణాల్కు ఒక బ్రేక్ ఇస్తుందని ఫ్యాన్స్ ఆశపడుతున్నారు. ఒకవేళ ఇక్కడ కూడా సీన్ రివర్స్ అయితే మాత్రం, మృణాల్ కెరీర్ ఇక కోలుకోలేని విధంగా దెబ్బతినడం ఖాయం.
మృణాల్ ఠాకూర్ ఐరన్ లెగ్ శాపాన్ని చెరిపేసుకుంటుందా? లేక కోలీవుడ్ అడుగులు కూడా బూడిదలో పోసిన పన్నీరు అవుతాయా? అన్నది కాలమే నిర్ణయించాలి. ఏది ఏమైనా, టాలీవుడ్లో మృణాల్ పరిస్థితి చూస్తుంటే “ముట్టుకుంటే భస్మమేనా” అనే మాట నిజమవుతుందేమో అనిపిస్తోంది!
