‘శివ 4K’ : తెలుగు రాష్ట్రాల్లో లైట్… అమెరికాలో మాత్రం సునామీ!!

ఇక్కడ తెలుగు రాష్ట్రాల్లో ‘శివ 4K’కి పెద్దగా ఓపెనింగ్స్, బజ్, కలెక్షన్స్ లేవు. రీరిలీజ్ సినిమా కాబట్టి అనుకున్నంత వేడి కనిపించలేదు. కానీ అదే సినిమా నార్త్ అమెరికాలో మాత్రం వేరే లెవెల్ హిట్టు అయి అందరినీ ఆశ్చర్యపరుస్తోంది.

నాగార్జున క్లాసిక్ ‘శివ 4K’ నార్త్ అమెరికాలో ఊహించిన దానికంటే రెట్టింపు రన్‌తో $50K మార్క్ దాటి దూసుకెళ్తోంది. రీరిలీజ్ సినిమాల్లో $50K+ కలెక్షన్ అంటే ఓ పెద్ద గోల్డ్ మెడల్ లాంటిదే. ప్రత్యేకంగా సీనియర్ హీరో సినిమాగా ఈ స్థాయి రావడం అంటే నాగ్ క్రేజ్ ఏమిటో మరోసారి ప్రూవ్ చేసింది.

మొత్తం రన్‌లో ఇంకో $15K+ వచ్చే అవకాశం కనిపిస్తోంది. ఇండియన్ కరెన్సీలో చూస్తే అమెరికా లోనే 50 లక్షల రూపాయలకు పైగా గ్రాస్ — రీరిలీజ్ మూవీకి ఇది అన్‌బిలీవబుల్ ఫీట్.

4K వెర్షన్ కోసం RGV, నాగ్ టీమ్ పెట్టిన శ్రమ స్క్రీన్ మీద కనిపిస్తోంది. అక్కడి ఆడియన్స్ రిస్పాన్స్ చూసి టీమ్ అంతా ఫుల్ సాటిస్ఫై అయ్యేలా ఉంది.

అక్కినేని ఫ్యాన్స్ మాత్రం అమెరికా థియేటర్లలో పండగ చేసుకుంటున్నారు — ట్రిపుల్ టైమ్స్ కూడా చూస్తూ తమ ఫేవరెట్ ‘శివ’ను సెలబ్రేట్ చేస్తున్నారు!