సోనూసూద్ ఓ వివాదంలో ఇరుక్కున్నాడు. రూ.10 లక్షల మోసం కేసులో లూథియానా కోర్టు ఆ నటుడిపై అరెస్ట్ వారెంట్ జారీ చేసింది. దీని వల్ల వారు అరెస్టు భయంతో ఉన్నారు. మోహిత్ శుక్లా అనే వ్యక్తి తనను రూ.10 లక్షలు మోసం చేశాడని లూథియానాకు చెందిన న్యాయవాది రాజేష్ ఖన్నా కోర్టులో కేసు వేశారు.
క్రిప్టోకరెన్సీ పేరుతో ఈ మోసం జరిగిందని అతను ఫిర్యాదులో పేర్కొన్నాడు. ఈ కేసు విచారణ లూథియానా కోర్టులో కొనసాగుతోంది. ఈ కేసులో సోను సూద్ సాక్ష్యం చెప్పాల్సి ఉంది.
అయితే, పదే పదే సమన్లు జారీ చేసినప్పటికీ అతను కోర్టుకు హాజరు కాలేదు. ఈ కారణంగా కోర్టు నటుడికి అరెస్ట్ వారెంట్ జారీ చేసింది.
‘ముంబై నివాసి సోను సూద్ కు సమన్లు జారీ అయ్యాయి. అయితే, అతను కోర్టుకు హాజరు కాలేదు. కాబట్టి అతనిని అరెస్టు చేసి కోర్టు ముందు హాజరుపరచాలి’ అని లూథియానా కోర్టు ముంబై పోలీసులను ఆదేశించింది. ఈ కేసులో తదుపరి విచారణ ఫిబ్రవరి 10న జరగనుంది.
త‌న‌పై అరెస్ట్ వారెంట్ జారీ అయిందంటూ వ‌చ్చిన వార్త‌ల‌పై నటుడు సోనూ సూద్ ఎక్స్ (ట్విట్ట‌ర్‌) వేదిక‌గా క్లారిటీ ఇచ్చారు. ఆ వార్తలు పూర్తిగా అబద్ధ‌మ‌ని ఆయ‌న చెప్పారు.
సోషల్ మీడియా ప్లాట్‌ఫామ్‌లలో ఈ అంశాన్ని కావాల‌ని సెన్సేష‌న‌లైజ్ చేస్తున్నార‌ని సోనూ ఆగ్ర‌హం వ్య‌క్తం చేశారు. త‌న‌కు సంబంధం లేని వేరే అంశంలో సాక్ష్యం చెప్పేందుకు కోర్టు తనను పిలిచిన‌ట్లు ఆయ‌న క్లారిటీ ఇచ్చారు.
“నాకు ఎటువంటి సంబంధం లేని మూడవ పక్షానికి సంబంధించిన కేసులో న్యాయస్థానం న‌న్ను సాక్షిగా సమన్లు జారీ చేసింది. అందుకు మా న్యాయవాదులు స్పందించారు. ఈ కేసులో దేనికీ నేను బ్రాండ్ అంబాసిడ‌ర్‌ను కాదు.
మాకు ఏ విధంగానూ సంబంధం లేదు. సెలబ్రిటీలు ఇలా అన‌వ‌స‌ర విష‌యాల‌కు లక్ష్యాలుగా మారడం విచారకరం. ప‌బ్లిసిటీ కోసం నా పేరును వాడుతున్నారు. ఆ విష‌యంలో క‌ఠిన చ‌ర్య‌లు తీసుకుంటాం” అని సోనూ సూద్ ట్వీట్ చేశారు.
