పవన్ కల్యాణ్‌ (Pawan Kalyan) హీరో గా రాబోతున్న చిత్రం ‘హరి హర వీరమల్లు’ (Hari Hara Veera Mallu). నిధి అగర్వాల్‌ హీరోయిన్. క్రిష్‌, జ్యోతికృష్ణ దర్శకత్వంలో పీరియాడిక్‌ యాక్షన్‌ అడ్వెంచర్‌గా రూపొందిన ఈ చిత్రం జూన్ 12న ప్రేక్షకుల ముందుకు రానుంది.
ఈ మేరకు ఇప్పటికే ఓవర్సీస్‌లో అడ్వాన్స్ బుకింగ్స్ ప్రారంభం కాగా, తెలుగు రాష్ట్రాల్లో టికెట్ బుకింగ్స్ ఇంకా మొదలవ్వలేదు. అయితే సోషల్ మీడియాలో వస్తున్న వార్తల ప్రకారం, నిర్మాతలు ఆంధ్రప్రదేశ్ ప్రభుత్వం దగ్గర 4AM నుండి స్పెషల్ షోలు వేసుకునేందుకు అనుమతులు కోరే అవకాశం ఉంది. అదే విధంగా, ఓ పరిమితకాలం పాటు రోజుకు 6 షోలు వేయాలని కూడా ప్లాన్ లో ఉన్నారట!
అలానే, టికెట్ ధరల్లో తాత్కాలిక పెంపు కోసం కూడా ప్రభుత్వానికి ప్రతిపాదనలు ఇవ్వనున్నారని సమాచారం. అయితే ఇవన్నీ అధికారికంగా ప్రకటించేవరకు ఊహాగానాలే.
స్టార్స్ గ్లామర్ & గ్రాండియర్
ఈ సినిమాలో పవన్ తో పాటు బాబీ డియోల్, నాసర్, నోరా ఫతేహీ, నర్గిస్ ఫఖ్రీ, వెన్నెల కిషోర్, పూజిత పొన్నాడ, రెడిన్ కింగ్స్‌లే లాంటి స్టార్స్ కీలక పాత్రల్లో కనిపించనున్నారు. సినిమా నేషనల్ లెవెల్‌లో ఉండేలా గ్రాండియస్‌గా తీర్చిదిద్దారు.
స్వోర్డ్ vs స్పిరిట్ అనేది టైటిల్‌లోనే ఇచ్చినట్లుగా – పవర్, ధైర్యం, ధర్మం మధ్య జరిగే ఘర్షణే ఈ సినిమా స్ఫూర్తి.
అతి త్వరలోనే… అభిమానులు ఎంతో ఆసక్తిగా ఎదురుచూస్తున్న ఈ మోస్ట్ అవెయిటెడ్ మూవీకి సంబంధించి మరిన్ని అప్డేట్స్, అధికారిక ప్రకటనలు రాబోతున్నాయి.
జూన్ 12 న థియేటర్లలో ‘హరి హర వీర మల్లు’ ఏ మేరకు గర్జిస్తాడో చూడాలి!
