ప్యాన్ ఇండియన్ సినిమా అనే పదానికి పక్కన పెట్టాల్సిన పేరు ఒకటుంటే…అది ప్రభాస్ మాత్రమే. బాహుబలి తర్వాత ఆయన క్రేజ్ కు పరిమితి లేదు. ఒక సౌతిండియా నటుడి సినిమా కోసం నార్త్ ఇండియాలో పెద్ద హోర్డింగ్స్ పడటం మామూలు విషయం కాదు. కానీ ప్రభాస్‌కి అది సాధారణమే అయ్యింది.
అంతటి క్రేజ్ ఉన్న ప్రభాస్… ప్రస్తుతం షెడ్యూల్ గందరగోళం, టీజర్ డిలేస్, రిలీజ్ కన్ఫ్యూజన్స్ మధ్యలో ఉన్నాడు. ఇటలీ ట్రిప్ ముగించుకుని తిరిగొచ్చిన ప్రభాస్… షూటింగ్ షెడ్యూళ్ల గందరగోళంలో ఉన్నాడు!
ప్రభాస్ ఇటీవల తన యూరప్ హాలిడే నుంచి ఇండియా వచ్చారు. అయితే ఆయన సినిమాలపై ప్రస్తుతం ఓ పెద్ద గందరగోళమే నడుస్తోంది. ఒకవైపు ‘రాజా సాబ్’, మరోవైపు ‘ఫౌజీ’, రెండూ షూటింగ్ దశలో ఉండటంతో… మొదట ఏ ప్రాజెక్ట్‌కి ప్రాధాన్యత ఇవ్వాలి అనే చిక్కుల్లో ప్రభాస్ ఉన్నట్టు తెలుస్తోంది.
తాజాగా ఆయన ‘ఫౌజీ’ సెట్స్‌లో జాయిన్ అయి షూట్ మొదలుపెట్టాడు. కానీ ‘రాజా సాబ్’ షెడ్యూల్ గురించి ఇప్పటికీ ఎలాంటి అప్‌డేట్ లేదు. ఈ నేపథ్యంలో ప్రభాస్ ఫ్యాన్స్ ఓపిగ్గా ఎదురుచూస్తున్న ‘రాజా సాబ్ టీజర్’ ఇంకా రిలీజ్ కాలేదు. టీజర్ రిలీజ్ డేట్ కూడా ఇంకా అధికారికంగా ప్రకటించలేదు. అందుకు కారణాలు మాత్రం తెలియటం లేదు.
అయితే మేకర్స్ చెప్పినట్టు ప్రభాస్ ఇటలీ నుంచి వచ్చాక టీజర్ డబ్బింగ్ పూర్తయ్యింది. ఇప్పుడు చిత్ర బృందం టీజర్ విడుదలపై క్లారిటీ ఇవ్వాల్సిన అవసరం ఉంది. ఇంకా కొంతపాటు సినిమా షూటింగ్ కూడా మిగిలి ఉంది.
ఇక మరోవైపు… సందీప్ రెడ్డి వంగా – తన డ్రీమ్ ప్రాజెక్ట్ ‘స్పిరిట్’ కోసం ప్రభాస్‌ను ఎదురుచూస్తున్నారు. ఒక్కసారి ప్రభాస్ ‘స్పిరిట్’ షూట్ ప్రారంభించగానే… ఇతర సినిమాలన్నీ తాత్కాలికంగా పక్కన పడతాయి అని ఇండస్ట్రీలో టాక్.
ఈ నేపథ్యంలో…
ప్రభాస్ ప్రస్తుతం ‘ఫౌజీ’ షూట్ చేస్తున్నారా?
‘రాజా సాబ్’ టీజర్ ఎప్పుడు వస్తుంది?
‘స్పిరిట్’ ఎప్పుడు స్టార్ట్ అవుతుంది?
అన్ని విషయంలో క్లారిటీ ఇవ్వాల్సిన టైమ్ వచ్చింది.
ఫ్యాన్స్ గట్టిగా అడుగుతున్న మాట –
“డార్లింగ్ ప్రభాస్ నెక్స్ట్ మూవీ ఏంటి?”
“టీజర్ ఎప్పుడు వస్తుంది?”
“స్పిరిట్ షూట్ ఎప్పుడు స్టార్ట్ అవుతుంది?”
ఈ ప్రశ్నలకు జవాబులు కావాలంటే… అఫీషియల్ ఎనౌన్సమెంట్స్ రావాలి మరి!
