Venkatesh Remuneration Hike: విక్టరీ వెంకటేష్ (Victory Venkatesh) కెరీర్ ఇప్పుడు పీక్ స్టేజ్లో ఉంది. వరుసగా రూ. 300 కోట్ల సినిమాలు కొట్టడంతో వెంకీ మామ తన మార్కెట్ రేంజ్ను అమాంతం పెంచేశారు. దశాబ్దాలుగా ఫిక్స్డ్గా ఉన్న తన రెమ్యూనరేషన్ను ఇప్పుడు ఏకంగా డబుల్ చేసి షాక్ ఇచ్చారు.
వరుస బ్లాక్ బస్టర్స్.. పెరిగిన వెంకీ రేంజ్!
గతేడాది అనిల్ రావిపూడి దర్శకత్వంలో వచ్చిన ‘సంక్రాంతికి వస్తున్నాం’ (Sankranthiki Vastunnam) సినిమా రూ. 300 కోట్లకు పైగా వసూళ్లతో ఇండస్ట్రీని షేక్ చేసింది. ఆ వెను వెంటనే మెగాస్టార్ చిరంజీవి నటించిన ‘మన శంకర వరప్రసాద్ గారు’ చిత్రంలో వెంకటేష్ చేసిన ఎక్స్టెండెడ్ క్యామియో సినిమాకు పెద్ద అసెట్గా మారింది. ఈ రెండు వరుస విజయాలతో వెంకీ మామ బ్రాండ్ వాల్యూ ఇప్పుడు ఆకాశాన్ని తాకింది.
త్రివిక్రమ్ సినిమా కోసం రూ. 23 కోట్లు!
సాధారణంగా నిర్మాతల హీరో అని పేరున్న వెంకటేష్, గత కొన్నేళ్లుగా రూ. 10 కోట్ల లోపే పారితోషికం తీసుకుంటున్నారు. కానీ ఇప్పుడు తన డిమాండ్ను భారీగా పెంచారు. మాటల మాంత్రికుడు త్రివిక్రమ్ శ్రీనివాస్ (Trivikram Srinivas) దర్శకత్వంలో వస్తున్న ‘ఆదర్శ కుటుంబం’ (Adarsha Kutumbam) మూవీ కోసం వెంకీ ఏకంగా రూ. 23 కోట్లు వసూలు చేస్తున్నట్లు సమాచారం.
అనిల్ రావిపూడి మూవీకి పాతిక కోట్లు?
కేవలం త్రివిక్రమ్ సినిమాకే కాదు, తన సక్సెస్ ఫుల్ డైరెక్టర్ అనిల్ రావిపూడి (Anil Ravipudi) తో చేయబోయే తదుపరి చిత్రం కోసం వెంకటేష్ రూ. 25 కోట్లు డిమాండ్ చేస్తున్నారట. ఒక సీనియర్ హీరో ఈ స్థాయిలో రెమ్యూనరేషన్ పెంచడం ఇప్పుడు టాలీవుడ్లో హాట్ టాపిక్గా మారింది. అయితే వెంకటేష్కి ఉన్న ఫ్యామిలీ ఆడియన్స్ ఫాలోయింగ్ చూసి నిర్మాతలు కూడా అడిగినంత ఇవ్వడానికి వెనుకాడటం లేదట.
వయసు పెరుగుతున్నా ‘విక్టరీ’ని తన ఇంటి పేరుగా మార్చుకున్న వెంకటేష్, సెకండ్ ఇన్నింగ్స్లో యువ హీరోలకు గట్టి పోటీ ఇస్తున్నారు. రూ. 10 కోట్ల నుండి రూ. 25 కోట్లకు చేరిన ఆయన ప్రయాణం చూస్తుంటే.. రాబోయే రోజుల్లో వెంకీ మామ బాక్సాఫీస్ వద్ద మరిన్ని రికార్డులు సృష్టించడం ఖాయంగా కనిపిస్తోంది.