త్రిషకు వయస్సు పెరుగుతున్నా క్రేజ్ మాత్రం తగ్గటం లేదు. తగ్గేదేలే అన్నట్లు దూసుకుపోతోంది . తెలుగు, తమిళం, మలయాళ భాషల్లో సూపర్ ఫ్యాన్ ఫాలోయింగ్ సంపాదించుకున్న భామ చెన్నై సుందరి త్రిష (Trisha) ఇప్పటికీ వరస సినిమాలు చేస్తోంది. సౌత్ లో లీడింగ్ స్టార్ హీరోలతో బ్యాక్ టు బ్యాక్ సినిమాలు చేస్తూ టాక్ ఆఫ్‌ ది టౌన్‌గా నిలుస్తున్న ఈ బ్యూటీ కాంపౌండ్ నుంచి వస్తోన్న మలయాళ చిత్రం ఐడెంటిటీ (Identity).
క్రైం థ్రిల్లర్ జోనర్‌లో వచ్చిన ఈ చిత్రంలో మాలీవుడ్‌ స్టార్ యాక్టర్ టొవినో థామస్ హీరోగా నటించగా.. వినయ్‌ రాయ్‌ విలన్‌గా నటిస్తున్నాడు.
ఈ ఏడాది జనవరి 2న మలయాళంలో విడుదలైన ఈ చిత్రం బ్లాక్ బస్టర్ హిట్‌గా నిలిచింది. కాగా ఈ మూవీ ఇక తెలుగులో కూడా సందడి చేసేందుకు రెడీ అయింది.
ఈ చిత్రాన్ని జనవరి 24న విడుదల చేస్తున్నట్టు ప్రకటిస్తూ కొత్త పోస్టర్ విడుదల చేశారు. నైజాంలో ఈ మూవీని శ్రీవేదాక్షర మూవీస్‌ విడుదల చేస్తోంది. అతని ముఖాన్ని రఫ్‌గా గీద్దాం అని టోవినో థామస్ త్రిషకు చెప్పే డైలాగ్‌తో షురూ అయిన టీజర్‌లో.
త్రిష హంతకుడి గురించి మాట్లాడటం.. అతడిని గెస్‌ చేయడం.. ఆమె చూసిన క్రైంకు వినయ్‌రాయ్‌కు సంబంధమేంటి..? ఈ క్రైంలో టోవినో థామస్ పాత్రేంటనేది సస్పెన్స్‌లో పెడుతూ సాగే సన్నివేశాలు సినిమాపై హైప్ పెంచేస్తున్నాయి.
ఐడెంటిటీ సినిమాను అఖిల్ పాల్‌, అనాస్‌ ఖాన్‌ సంయుక్తంగా నిర్మించారు. ఈ చిత్రం మలయాళంలో త్రిషకు రెండో ప్రాజెక్ట్‌.
