వేదికపై అగ్ని జ్వాలల మధ్య విరాజిల్లినట్లుగా, థియేటర్లలో అద్భుత నాదంతో మార్మోగినట్లుగా—మహావతార్ నర్సింహా బాక్సాఫీస్‌ను చీల్చుకుంటూ సింహగర్జన చేస్తోంది! జూలై 25న కన్నడ చిత్ర పరిశ్రమ నుంచి నిశ్శబ్దంగా వచ్చిన ఈ యానిమేటెడ్ ఫిల్మ్, ఇప్పుడు దేశవ్యాప్తంగా అడ్డూ అదుపు లేని భాక్సాఫీస్ గర్జన గా మారింది.
మహావతార్ నర్సింహా సినిమా బాక్సాఫీస్‌ వద్ద అసలు ఊహించని రీతిలో రికార్డులు సృష్టిస్తోంది. జూలై 25న కన్నడ చిత్ర పరిశ్రమ నుంచి ప్రేక్షకుల ముందుకు వచ్చిన ఈ యానిమేటెడ్ డివోషనల్ ఫిల్మ్ ఇప్పటికీ కాసుల వర్షం కురిపిస్తూనే ఉంది. కూలీ, వార్ 2 లాంటి భారీ సినిమాలు విడుదలైనా, నర్సింహా వసూళ్లపై ఎటువంటి ప్రభావం చూపలేకపోయాయి.
హోంబలే ఫిల్మ్స్, క్లీమ్ VFX స్టూడియోలు సంయుక్తంగా నిర్మించిన ఈ చిత్రానికి మొత్తం బడ్జెట్ రూ.15 కోట్లు మాత్రమే. ట్రేడ్ వర్గాలు లాభాల్లోకి రావాలంటే రూ.30 కోట్ల గ్రాస్ వసూల్ చేయాలని అంచనా వేశాయి. కానీ ఆ అంచనాలను మించి, సినిమా ఇప్పటివరకు రూ.300 కోట్ల భారీ వసూళ్లు రాబట్టి ఇండియన్ యానిమేషన్ చరిత్రలో కొత్త అధ్యాయం రాసింది.
300 కోట్ల మైలురాయిని దాటిన మొదటి ఇండియన్ యానిమేటెడ్ ఫిల్మ్
మహావతార్ నర్సింహా మొదట 100 కోట్లు, ఆపై 200 కోట్లు, ఇప్పుడు 300 కోట్ల మైలురాయిని అందుకున్న తొలి భారతీయ యానిమేటెడ్ మూవీగా నిలిచింది.
వసూళ్ల బ్రేక్‌డౌన్
- హిందీ వెర్షన్ (ఇండియా) → 210+ కోట్లు
- తెలుగు వెర్షన్ → 50 కోట్లు
- ఇతర వెర్షన్లు (ఇండియా) → 10 కోట్లు+
- ఓవర్సీస్ → 25 కోట్లు+
ఇలా మొత్తం వరల్డ్ వైడ్ గ్రాస్ రూ.300 కోట్లు దాటింది.
పెద్ద పెద్ద సినిమాలు థియేటర్లలోకి దూసుకొచ్చినా, నర్సింహుడి గర్జన ముందు అవన్నీ నిశ్శబ్దం అయ్యాయి.
