ఇండస్ట్రీలో ఒక హిట్ వస్తే — ఫోన్‌లు మోగిపోతాయి, డైరెక్టర్లు, ప్రొడ్యూసర్లు క్యూలో నిలుస్తారు. కానీ ఒక ఫ్లాప్ చాలు, ఆ తలుపులన్నీ ఒక్కసారిగా మూసుకుపోతాయి. అదే సినిమా ప్రపంచం యొక్క క్రూరమైన సత్యం. ఈ రియాలిటీని ఇప్పుడు ప్రత్యక్షంగా అనుభవిస్తున్నాడు సిద్ధు జోనలగడ్డ.
‘డీజే టిల్లు’, ‘టిల్లు స్క్వేర్’ లతో స్టార్‌డమ్ రుచి చూసిన సిద్ధు, ఒక దశలో యూత్ ఐకాన్‌గా ఎదిగాడు. కానీ ఆ క్రేజ్‌ను నిలబెట్టుకోవడమే అసలు పరీక్ష. అదే చోట చాలా మంది ఆగిపోతారు — సిద్ధు కూడా ఇప్పుడు ఆ మలుపులో నిల్చున్నాడు.
‘జాక్’తో జోల్ట్… ‘తెలుసు కదా’తో దెబ్బ:
‘జాక్’ సినిమా తర్వాత వచ్చిన ప్రతిస్పందన ఎవ్వరూ ఊహించని స్థాయిలో నెగటివ్‌గా మారింది. ‘టిల్లు’ క్రేజ్ తర్వాత ఆ రేంజ్ ఓపెనింగ్స్ రావాలని ట్రేడ్ ఆశించింది కానీ, ఫలితం విరుద్ధంగా వచ్చింది. తర్వాత వచ్చిన ‘తెలుసు కదా’ కూడా అదే రూట్‌లో నడిచింది. దీపావళి వారం అనే అదృష్టం ఉన్నా కూడా, సినిమా నిలబడలేకపోయింది. మొదటి రోజే కలెక్షన్లు స్లోగా, తర్వాత క్రమంగా పూర్తిగా కూలిపోయాయి.
ఈ పరిస్థితుల్లో ‘కోహినూర్’ అనే ప్రాజెక్ట్‌పై అందరి దృష్టి ఉంది.
సిద్ధు – రవికాంత్ పేరెపు కాంబినేషన్‌లో రూపుదిద్దుకోబోయే ఈ సినిమా, రెండు పార్ట్స్‌గా ప్లాన్ చేసిన డెవోషనల్ థ్రిల్లర్. సితార ఎంటర్‌టైన్‌మెంట్స్ చాలా కాలంగా దీని మీద ప్రీ-ప్రొడక్షన్ వర్క్ చేస్తూ, కాన్సెప్ట్ పోస్టర్‌తో బజ్ కూడా క్రియేట్ చేసింది.
కానీ ఇప్పుడు షాకింగ్ డెవలప్‌మెంట్ — “కోహినూర్” షెల్వ్ అయ్యింది అని. ఫైనాన్షియల్ లెక్కలు, స్కేల్, రిస్క్ ఫ్యాక్టర్స్ అన్ని పరిగణలోకి తీసుకొని, సితార టీం వెనక్కి తగ్గింది.
నెక్ట్స్ ఏమిటి?
సిద్ధు ఇప్పుడు అదే డైరెక్టర్ రవికాంత్ పేరెపుతో “బ్యాడ్‌ఆస్” అనే కొత్త ప్రాజెక్ట్‌కి సైన్ చేశాడు. ఇది కూడా సితార ఎంటర్‌టైన్‌మెంట్స్ బ్యానర్‌లోనే వస్తుంది. దీని తర్వాత యూనివర్స్‌లో మూడో సినిమా – “టిల్లు క్యూబ్” కూడా సిద్ధంగా ఉంది.
కానీ ఇక్కడ ఉన్న సిగ్నల్ స్పష్టంగా ఉంది — సిద్ధు జోనలగడ్డకు ఇప్పుడు బాక్సాఫీస్ ముందు కొత్త పరీక్ష మొదలైంది. “టిల్లు” ఫ్రాంచైజ్‌కి బయట ఆయన మార్కెట్ ఎంత వరకు నిలబడుతుందనే ప్రశ్నకు సమాధానం చెప్పాల్సిన సమయం ఇది.
