పవర్‌స్టార్ పవన్ కళ్యాణ్ నటించిన ‘ ఓజీ ’ సినిమా రిలీజ్‌కి సిద్దమవుతోంది. పీరియాడికల్ గ్యాంగ్‌స్టర్ డ్రామాగా తెరకెక్కిన ఈ చిత్రాన్ని డీవీవీ ఎంటర్‌టైన్‌మెంట్స్‌ బ్యానర్‌పై దాసరి వీర వెంకట దానయ్య నిర్మించారు. యంగ్ డైరెక్టర్ సుజీత్ దర్శకత్వం వహించిన ఈ చిత్రంలో ప్రియాంక మోహన్ హీరోయిన్‌గా నటించింది. బాలీవుడ్ హీరో ఇమ్రాన్ హష్మీ విలన్ పాత్ర పోషించాడు.
పవన్ కళ్యాణ్ పుట్టినరోజు సందర్బంగా మంగళవారం మేకర్స్ అదిరిపోయే అప్‌డేట్‌లు ఇచ్చారు. పవన్ లేటెస్ట్‌ పోస్టర్‌తో పాటు ఇమ్రాన్ హష్మీ పాత్రని పరిచయం చేస్తూ చిన్న టీజర్‌ని వదిలారు. పవన్ పుట్టినరోజు సందర్భంగా తెలుగు రాష్ట్రాల్లో ఆయన అభిమానులు సంబరాలు చేసుకున్నారు. రక్తదానం, అన్నదానాలు, పేదలకు వస్తువులు పంపిణీ చేసి ఆయనపై తమకున్న అభిమానాన్ని చాటుకున్నారు. అయితే ఇదే సమయంలో ఈ సినిమా గురించి మరికొన్ని విషయాలు, విశ్లేషణలు మీడియాలో హల్ చల్ చేస్తున్నాయి.
ఓజీ… ఓజీ… ఇప్పుడు ఎక్కడ విన్నా ఈ ఒక్క మాటే వినిపిస్తోంది. థియేటర్ దగ్గరా, ఫ్యాన్ మేడియా పేజెస్‌లోనా, సోషల్ మీడియాలోనా – ఎక్కడ చూసినా పవన్ కళ్యాణ్ కొత్త సినిమా “ఓజీ” గురించే చర్చ. ఈ సినిమా కోసం ఏర్పడిన హంగామా చూస్తుంటే, పవర్ స్టార్ కెరీర్‌లోనే బిగ్‌గెస్ట్ బాక్సాఫీస్ రికార్డులు నమోదు చేసే అవకాశం స్పష్టంగా కనిపిస్తోంది.
ఇప్పటి వరకు పవన్ కళ్యాణ్ స్టార్ హీరోల లిస్ట్‌లో ఉన్నా, కలెక్షన్ల పరంగా మాత్రం వెనుకబడి ఉన్నాడనే మాట ఆయనే ఓపెన్‌గా చెప్పిన సందర్భాలు ఉన్నాయి. “నా సినిమాలు పెద్దగా ఆడవు, బాక్సాఫీస్ నంబర్స్‌లో నేను పోటీ పడలేను” అని స్వయంగా ఒప్పుకున్నాడు. కానీ ఈసారి మాత్రం గేమ్ మార్చే టైమ్ వచ్చేసింది అన్నట్టుంది.
సెప్టెంబర్ 25న “ఓజీ” సొంతంగా, ఎలాంటి పెద్ద పోటీ లేకుండా రిలీజ్ అవుతోంది. బాలకృష్ణ “అఖండ 2” వాయిదా పడటంతో, ఈ మూవీకి బాక్సాఫీస్ రన్ మరింత సేఫ్ అయ్యింది. దీంతో, “ఓజీ” ₹200 కోట్ల క్లబ్ చేరడం దాదాపు ఖాయం అని ఇండస్ట్రీ టాక్.
ఫస్ట్ లుక్స్ నుంచి గ్లింప్స్ వరకు… టీజర్ నుంచి పాటల వరకు – ప్రతి అప్‌డేట్ పబ్లిక్ హైప్‌ను మరింత పెంచేసింది. అయితే ఇక్కడ ఒక ట్విస్ట్ ఉంది. అంచనాలు ఆకాశాన్ని తాకుతున్నాయి కాబట్టి, థియేటర్స్‌లో అందరికీ “ఇంకా అంతకుమించి” అనిపించాలి. లేకపోతే కాస్త తప్పినా, ఆ అంచనాలే సినిమాకి రివర్స్ అవ్వవచ్చు.
మొత్తానికి, “ఓజీ” పవన్ కెరీర్‌లో గేమ్‌చేంజర్ అవుతుందా? లేక ఫ్యాన్స్ అంచనాల భారమే ఎక్కువైపోతుందా? అన్నది సెప్టెంబర్ 25నే తేలిపోనుంది.
