సినిమా వార్తలు
విరోష్ షాకింగ్ డెసిషన్: మా రిసెప్షన్కు రావొద్దు.. ఫ్యాన్స్కు విజయ్-రష్మిక సీరియస్ వార్నింగ్!
టాలీవుడ్ మోస్ట్ హ్యాపెనింగ్ కపుల్ విజయ్ దేవరకొండ, రష్మిక మందన్న ఎట్టకేలకు ఒకటయ్యారు. ఫిబ్రవరి 26న రాజస్థాన్లోని ఉదయ్పూర్లో వీరిద్దరి వివాహం అంగరంగ వైభవంగా జరిగింది. తెలుగు, కొడవ సంప్రదాయాల్లో జరిగిన ఈ వేడుక ఫోటోలు నెట్టింట సెన్సేషన్ క్రియేట్ చేస్తున్నాయి. అయితే, ఇప్పుడు అందరి కళ్లు హైదరాబాద్లో జరగబోయే గ్రాండ్ రిసెప్షన్పైనే ఉన్నాయి. ఈ తరుణంలో ఈ జంట తీసుకున్న ఒక నిర్ణయం ఇప్పుడు హాట్ టాపిక్ గా మారింది.
గేట్ల వద్ద నో ఎంట్రీ.. ఇన్విటేషన్ ఉంటేనే లోపలికి!
మార్చి 4న హైదరాబాద్లోని తాజ్ కృష్ణలో ‘విరోష్’ రిసెప్షన్ వేడుక జరగనుంది. ఈ ఈవెంట్కు సినీ దిగ్గజాలు, రాజకీయ నాయకులు, జాతీయ స్థాయి సెలబ్రిటీలు హాజరవుతున్నారు. అయితే, ఈ వేడుకకు సంబంధించి విజయ్-రష్మిక ఒక కఠినమైన రూల్ పెట్టారు. ఈ రిసెప్షన్ కేవలం ఇన్విటేషన్ ఉన్న వారికి మాత్రమే. ఆహ్వాన పత్రం లేని వారు ఎవరూ వేదిక వద్దకు రావొద్దని, అలాంటి వారికి ఎంట్రీ ఉండదని అఫీషియల్ గా అనౌన్స్ చేశారు.
పోలీస్ బందోబస్తు.. టైట్ సెక్యూరిటీ!
ప్రముఖులు భారీగా హాజరవుతున్న నేపథ్యంలో భద్రతను అత్యంత కట్టుదిట్టం చేశారు. తాజ్ కృష్ణ పరిసరాల్లో ట్రాఫిక్ ఆంక్షలు ఉండటమే కాకుండా, చెకింగ్ పాయింట్ల వద్ద స్పెషల్ టీమ్స్ నిఘా ఉంచనున్నాయి. “మీ ప్రేమ మాకు ఎంతో విలువైనది, కానీ మీ భద్రత అంతకంటే ముఖ్యం. ఆహ్వానం లేని వారు రిసెప్షన్ వేదిక వద్దకు వచ్చి ఇబ్బందులు పడొద్దు” అని ఈ జంట తమ ఫ్యాన్స్కు విజ్ఞప్తి చేసింది. అభిమానుల దీవెనలు ఎక్కడున్నా తమకు అందుతాయని, ఈ ప్రోగ్రామ్ సేఫ్ గా జరగడానికి సహకరించాలని కోరారు.
విజయ్, రష్మిక పెళ్లి తర్వాత జరుగుతున్న మొదటి అఫీషియల్ ఈవెంట్ కావడంతో అంచనాలు పీక్స్లో ఉన్నాయి. ఫ్యాన్స్ను రావొద్దని చెప్పడం కొందరిని నిరాశపరిచినా, భద్రతా కారణాల దృష్ట్యా ఇది తప్పనిసరి అని విశ్లేషకులు భావిస్తున్నారు. ఈ గ్రాండ్ రిసెప్షన్ కి సంబంధించిన మరిన్ని అప్డేట్స్ కోసం స్టే ట్యూన్డ్!
