ఒకప్పుడు మాస్ కమర్షియల్ సినిమాలంటే వెంటనే గుర్తొచ్చే పేరు వి.వి. వినాయక్ . “ఆది”, “లక్ష్మి”, “చెన్నకేశవ రెడ్డి”, “ఠాగూరు”, “దిల్” – ఒక్కో సినిమా ఆ టైమ్‌లో థియేటర్లలో పండగ వాతావరణం క్రియేట్ చేసింది. హీరోలకి స్టార్డమ్ ఇచ్చిన డైరెక్టర్‌గానే కాకుండా, ఆడియన్స్ పల్స్ బాగా పట్టుకున్న మాస్ మేకర్‌గా ఆయనకి పేరు వచ్చింది.
కానీ గత కొన్నేళ్లుగా వినాయక్ మెగాఫోన్‌కి దూరమయ్యారు. ఆరోగ్య సమస్యలు, సక్సెస్ లేకపోవటం వంటి కారణాల వల్ల బ్రేక్ తీసుకున్నారు. ఇప్పుడు ఆయన పూర్తిగా కోలుకుని, మళ్లీ రిటర్న్ షాట్ కొట్టడానికి రెడీ అవుతున్నారు.
ఇండస్ట్రీలో టాక్ ఏంటంటే – వెంకటేష్ కోసం వినాయక్ ఓ సినిమా చేసేందుకు ప్లాన్ చేస్తున్నారు. ఆకుల శివ రాసిన కథ వెంకీకి బాగా నచ్చిందట. నిర్మాత నల్లమలపు బుజ్జీ కూడా ఈ ప్రాజెక్ట్‌కి ఆసక్తి చూపుతున్నారట. వీరి కాంబినేషన్‌లో ఇంతకుముందు వచ్చిన “లక్ష్మి” బ్లాక్‌బస్టర్‌ని గుర్తుంచుకోండి – ఫ్యామిలీ డ్రామా, ఎమోషన్, మాస్ ఫన్ అన్నీ పర్ఫెక్ట్‌గా బ్లెండ్ అయ్యి పండగ వాతావరణం క్రియేట్ చేసింది. ఈసారి కూడా అదే ఫార్ములా మీద స్టోరీ రెడీ చేస్తున్నారని టాక్.
ఇక వినాయక్‌కి మాస్ టేస్ట్ బాగా తెలుసు. ఫ్యాన్స్ కోరుకునే ఎలివేషన్స్ ఇవ్వడంలో ఆయనకి ఎప్పుడూ కత్తి లాంటి డైలాగులు ముందుంటాయి. మైక్ పట్టేసే సీన్‌లు, థియేటర్ షేక్ చేసే ఫైట్‌లు తప్పవు. కానీ ఇప్పుడు ఆడియన్స్ మూడ్, కమర్షియల్ ఫార్ములా స్టైల్ కొంచెం మారిపోయింది. వినాయక్ ఆ మార్పుని అర్థం చేసుకుని మాస్ స్టైల్‌కి మోడ్రన్ టచ్ ఇస్తే – డెఫినెట్‌గా తిరిగి గట్టిగా హిట్ కొడతారు.
వెంకటేష్ ప్రస్తుతం త్రివిక్ర‌మ్ సినిమాతో బిజీగా ఉన్నారు. అలాగే చిరంజీవి – అనిల్ రావిపూడి మూవీ, “దృశ్యం 3” కూడా లైన్‌లో ఉన్నాయి. వీటి మధ్యలో వినాయక్ ప్రాజెక్ట్ మొదలైతే, ఆ రీ-ఎంట్రీ థియేటర్లలో మళ్లీ పండగ లా మారే అవకాశం ఉంది.
వినాయక్ రీ-ఎంట్రీ అంటే కేవలం ఓ సినిమా కాదు – థియేటర్లలో ఆ పాత మాస్ బూస్ట్ తిరిగి ఫీల్ కావాలన్న ఆడియన్స్ ఎక్స్పెక్టేషన్. ఈ సారి ఆయన ఇచ్చే సౌండ్ నిజంగా దద్దరిల్లిపోవాలని ఫ్యాన్స్ కోరుకుంటున్నారు.
