పవన్ కళ్యాణ్‌ నటించిన పీరియాడిక్ యాక్షన్ ఎంటర్టైనర్ హరి హర వీరమల్లు — రికార్డు స్థాయిలో ప్రీమియర్లతో ప్రారంభమై, భారీ ఓపెనింగ్స్‌ సాధించినా, తొలి షో నుంచే డిజాస్టర్ టాక్‌ను ఎదుర్కొన్న సంగతి తెలిసిందే. 70 కోట్ల గ్రాస్‌తో ప్రారంభం అయిన ఈ చిత్రం, తొలి రోజు తర్వాతే డౌన్‌టర్న్‌ను అనుభవించింది.
శని, ఆదివారాల్లోనూ ఆశించిన స్థాయిలో హైప్‌ని నిలబెట్టుకోలేకపోయింది. రెండో రోజు మధ్యాహ్నం షోలు నుంచి మూడో రోజు సాయంత్రం వరకూ కలెక్షన్లు గందరగోళంగా పడిపోయాయి. మూడో రోజు నైట్ షో నుంచీ నాల్గో రోజు ఉదయపు షోల దాకా కొంత పాజిటివ్ ట్రెండ్ కనిపించినా, అదే రోజున రాత్రి షోకు మాత్రం మళ్లీ పెద్దగా డ్రాప్ అయ్యింది.
దాంతో మొదటి వీకెండ్‌కు సంబంధించిన హరి హర వీరమల్లు బాక్సాఫీస్ ఫలితాలు అంచనాలను అందుకోలేకపోయినట్టు స్పష్టమవుతోంది. మొత్తం కలెక్షన్లు సుమారుగా ₹105 కోట్లు గ్రాస్, కానీ బ్రేక్ ఈవెన్ టార్గెట్ ₹200 కోట్లు కావడంతో, ఇప్పటివరకు కేవలం 50% రికవరీ మాత్రమే సాధించగలిగింది.
తాజాగా మేకర్స్ థియేటర్లలో ట్రిమ్మ్డ్ వెర్షన్ రిలీజ్ చేశారు. ఈ కొత్త ఎడిట్‌తో పాజిటివ్ మౌత్‌టాక్ కొంతవరకూ పెరుగుతోంది. అయితే అదే వర్షన్ ఫస్ట్ డే నుంచే వచ్చుంటే, కనీసం యావరేజ్ టాక్ సాధించే ఛాన్స్ ఉండేదన్న అభిప్రాయం జనాల్లో గట్టిగా వినిపిస్తోంది.
ఇప్పుడు హరి హర వీరమల్లును నిలబెట్టే కీ ఫ్యాక్టర్ — ఈ కొత్త వెర్షన్‌కు వచ్చే రెస్పాన్స్. ప్రత్యేకంగా సోమవారం (డే 4) ఇవెనింగ్ షోల హోల్డ్‌తోనే సినిమా ఫేట్ డిసైడ్ అవ్వనుంది.
