పాన్ ఇండియా సూపర్ స్టార్ ప్రభాస్ అంటే ఉత్తరాదిలో ఉండే క్రేజ్ అంతా ఇంతా కాదు. ‘బాహుబలి’ తర్వాత ఆయన నుండి వచ్చిన దాదాపు ప్రతి సినిమా హిందీలో భారీ వసూళ్లను సాధించింది. ముఖ్యంగా రీసెంట్గా వచ్చిన ‘సలార్’, ‘కల్కి 2898 AD’ చిత్రాలతో ప్రభాస్ బాలీవుడ్ బాక్సాఫీస్ను షేక్ చేశారు. అయితే, తాజాగా విడుదలైన ‘రాజాసాబ్’ మాత్రం హిందీ మార్కెట్లో ఊహించని షాక్ ఇచ్చింది.
నిరాశపరిచిన హిందీ ఓపెనింగ్స్!
మారుతి దర్శకత్వంలో వచ్చిన ఈ హారర్ కామెడీపై బాలీవుడ్ ప్రేక్షకుల్లో భారీ అంచనాలు ఉన్నప్పటికీ, వసూళ్లు మాత్రం చాలా తక్కువగా నమోదయ్యాయి. మొదటి రోజు హిందీ వెర్షన్ కేవలం రూ. 6 కోట్ల నెట్ వసూళ్లను మాత్రమే సాధించి ట్రేడ్ వర్గాలను విస్మయానికి గురిచేసింది. ‘రాధేశ్యామ్’ తర్వాత ప్రభాస్ కెరీర్లో ఇదే అత్యల్ప హిందీ ఓపెనింగ్ కావడం గమనార్హం.
పోటీ లేకున్నా నిలబడలేకపోయింది!
‘రాజాసాబ్’ విడుదలకు పోటీగా హిందీలో ఏ పెద్ద సినిమా లేదు. ఒక్క హిందీ సినిమా కూడా లేని ఈ అడ్వాంటేజ్ను ఉపయోగించుకోవడంలో సినిమా విఫలమైంది. తెలుగు మార్కెట్ దాటి హిందీ ప్రేక్షకులను ఆకర్షించడంలో ‘రాజాసాబ్’ తడబడింది.
వర్కౌట్ కాని ప్లాన్స్!
బాలీవుడ్ ప్రేక్షకులను ఆకర్షించడానికి చిత్ర యూనిట్ భారీ కసరత్తే చేసింది. విలన్గా సంజయ్ దత్, నానమ్మ పాత్రలో సీనియర్ నటి జరీనా వహాబ్ను తీసుకున్నారు. అంతేకాకుండా, హిందీ ఆడియన్స్కు బాగా తెలిసిన ‘డిస్కో డాన్సర్’ సినిమాలోని క్లాసిక్ సాంగ్ను కూడా రీమిక్స్ చేశారు. కానీ, ఈ స్ట్రాటజీలేవీ హిందీ ప్రేక్షకులను థియేటర్ల వరకు రప్పించలేకపోయాయి.
ఈ స్టార్టింగ్ చూస్తుంటే, నార్త్ ఇండియాలో ‘రాజాసాబ్’ నిలదొక్కుకోవడం కష్టమేనన్న సందేహాలు వ్యక్తమవుతున్నాయి.
