ఇటీవలే నాచురల్ స్టార్ నాని హీరోగా నటిస్తున్న హిట్ 3, ప్రేక్షకుల ముందుకు వచ్చేందుకు సిద్ధమవుతున్న సంగతి తెలిసిందే. ఈ సినిమా రిలీజ్ అవ్వడానికి సుమారు ఇంకా 20 రోజుల సమయం ఉంది. మే ఒకటవ తేదీన సినిమా రిలీజ్ అవనుంది. ఈ క్రమంలో వచ్చే వారం నుంచి ప్రమోషన్స్ మొదలు పెట్టాలని భావిస్తున్నారు.
ఇటీవలే ఈ చిత్రం సెన్సార్ కార్యక్రమాల కోసం స్క్రీనింగ్ జరిగింది. ఇటీవల ప్రసాద్ ల్యాబ్స్‌లో జరిగిన సెన్సార్ ప్రదర్శనకు నాని కూడా హాజరయ్యారు. సాధారణంగా, సినిమా విడుదలకు వారం రోజుల ముందు సెన్సార్ అధికారుల కోసం తెలుగు సినిమాను ప్రదర్శిస్తారు. అయితే మూడు వారాల ముందే సెన్సార్ అధికారులకు HIT 3 చూపించారు.
సెన్సార్ అధికారులు అభ్యంతరాలు లేదా కట్‌లు సూచించినట్లయితే, నాని మరియు అతని బృందం రీ-ఎడిట్ చేయడానికి అవసరమైన మార్పులు చేయడానికి ప్లాన్‌లో ఉన్నారు.
నాని అండ్ టీమ్, ఒకవేళ ప్రస్తుత సెన్సార్ టీమ్ కనుక ఎక్కువ కట్స్ చెబితే, దాన్ని రివిజన్ కమిటీ ముందుకు పంపించే ఆలోచనలో కూడా ఉన్నారు. సెన్సార్ సభ్యులు ఈ సినిమాకి గట్టిగానే కట్స్ చెప్పొచ్చని అంచనాలు ఉన్నాయి.
ఈ సినిమా తెలుగు సినీ హిస్టరీలోనే ఒక వైలెంట్ ఫిల్మ్‌గా ప్రేక్షకుల ముందుకు తీసుకొచ్చే ప్లాన్స్ జరుగుతున్నాయి. సెన్సార్ సభ్యులు కూడా సినిమా చూసిన తర్వాత ఎలాంటి వివరాలు బయట మాట్లాడలేదని తెలుస్తోంది.
శైలేష్ కొలను డైరెక్ట్ చేస్తున్న ఈ చిత్రాన్ని నాని తన సొంత వాల్ పోస్టర్ సినిమా బ్యానర్ మీద నిర్మిస్తున్నాడు. ఈ సినిమాలో కేజిఎఫ్ హీరోయిన్ శ్రీనిధి శెట్టి హీరోయిన్‌గా నటిస్తోంది.
నాని అర్జున్ సర్కార్ అనే పాత్రలో నటిస్తున్నాడు. హిట్ రెండు భాగాలు సూపర్ హిట్ కావడంతో, మూడో భాగంపై భారీ అంచనాలు ఉన్నాయి.
