Ibomma Ravi బయోపిక్ ప్రారంభం! రవి పాత్రలో ఎవరు నటిస్తున్నారు?

ఐ బొమ్మ పేరు చెబితే తెలుగువారి మొబైల్‌కి మొదటి గుర్తొచ్చేది — ఉచితంగా సినిమాలు చూసే యాప్. ఈ ప్లాట్‌ఫారమ్ వెనుక ఉన్న వ్యక్తే ఇమ్మడి రవి. సినిమా ఇండస్ట్రీకి అతను పైరసీ విలన్. ఆడియన్స్‌కు మాత్రం రాబిన్ హుడ్. ఇదే రెండు వైపుల రివర్స్ ఇమేజ్ ఇప్పుడు దేశవ్యాప్తంగా పెద్ద చర్చగా మారింది.

ఇమ్మడి రవి అరెస్ట్ అయిన తర్వాత సోషల్ మీడియాలో ఒకే ట్రెండ్ — “ఇది సినిమా కంటెంట్ కాదు… మరి ఏమిటి?” అంటూ నెటిజన్స్ కామెంట్స్ వరదలా వచ్చాయి. అతని వ్యక్తిగత జీవితం, ఎదుర్కొన్న అవమానాలు, కుటుంబ సమస్యలు… ఇవన్నీ కలిపి అతని మీద భారీ సింపతి క్రియేట్ అయ్యింది.

ఇప్పుడు అదే కథను సినిమాగా తీసుకురావడానికి ముందుకు వచ్చింది Tej Creative Works. ఈ ప్రొడక్షన్ హౌస్ అధికారికంగా ప్రకటించింది:
“Ibomma Ravi” బయోపిక్ రెడీ అవుతోంది.

సినిమాలో రవి జీవితంలోని ముఖ్య సంఘటనలు, ఇండస్ట్రీతో ఉన్న ఘర్షణ, వ్యక్తిగత బాధలు — ఏవీ మిస్సవవని చెబుతున్నారు. కానీ అందరికీ పెద్ద ప్రశ్న ఇదే:

ఇమ్మడి రవి పాత్రలో ఎవరు నటిస్తారు?
మాస్ హీరోనా?
ఇంటెన్స్ యాక్టర్‌నా?
లేక కొత్త ఫేస్‌తో రిస్క్ తీసుకుంటారా?

డైరెక్టర్ విషయమై కూడా సస్పెన్స్ కొనసాగుతోంది. “త్వరలో వెల్లడిస్తాం” అని టీమ్ చెప్పడంతో సోష‌ల్ మీడియాలో ఆసక్తి మరింత పెరిగింది. ఇప్పుడు ఈ బయోపిక్‌పై భారీ క్రేజ్. నెటిజన్స్ మాటల్లో — “రవి కథ బొమ్మ కాదు… బ్లాక్‌బస్టర్ మెటీరియల్!”

ఈ క్రేజ్ చూస్తుంటే, ఇమ్మడి రవి కథ ఇంకా భారీగా వైరల్ కావడం ఖాయం.