“జైలర్ 2” రిలీజ్ డేట్ లాక్ అయిందా? సీక్వెల్స్ శాపాన్ని రజినీ బ్రేక్ చేస్తాడా?

రజినీ సినిమా అంటే… రూమర్‌ కూడా రికార్డే!

సూపర్ స్టార్ రజినీకాంత్ పేరు వినగానే థియేటర్లలో పండుగ వాతావరణం కనిపిస్తుంది. అలాంటి రజినీ కెరీర్‌లోనే కాదు, కొలీవుడ్ చరిత్రలోనే సెన్సేషన్‌గా నిలిచిన సినిమా “జైలర్”. ఇప్పుడు దానికి సీక్వెల్‌గా వస్తున్న “జైలర్ 2”పై అంచనాలు మామూలుగా లేవు. తాజాగా రిలీజ్ డేట్ బజ్ వినిపించడంతో, ఫ్యాన్స్‌లో క్యూరియాసిటీ పీక్స్‌కి చేరింది.

ఆగస్టే రజినీకి లక్కీ మంత్‌నా?

“జైలర్” ప్రపంచవ్యాప్తంగా సుమారు రూ.605–650 కోట్ల వసూళ్లు సాధించి, కొలీవుడ్‌లో ఆల్‌టైమ్ బ్లాక్‌బస్టర్‌గా నిలిచింది. నెల్సన్ దిలీప్‌కుమార్ దర్శకత్వంలో వచ్చిన ఆ విజయం… ఇప్పుడు “జైలర్ 2”పై మరింత భారం పెంచింది.

లేటెస్ట్ రిపోర్ట్స్ ప్రకారం “జైలర్ 2” ని ఆగస్టు 14, 2026న థియేటర్లలోకి తీసుకురావాలని మేకర్స్ ప్లాన్ చేస్తున్నారట. హాలిడే వీకెండ్ కావడం, అలాగే మొదటి భాగం కూడా ఆగస్టులోనే రిలీజ్ అయి రికార్డులు బ్రేక్ చేయడం… ఈ డేట్‌పై నమ్మకం పెంచుతోంది. అయితే అధికారిక ప్రకటన మాత్రం ఇంకా రావాల్సి ఉంది.

ఇక ఈ సీక్వెల్‌కు మరో పెద్ద హైలైట్ — విద్యాబాలన్ ఎంట్రీ. స్క్రిప్ట్ నచ్చడంతోనే ఆమె ఓ పవర్‌ఫుల్, లేయర్డ్ పాత్రకు గ్రీన్ సిగ్నల్ ఇచ్చిందట. కథలో ఆమె పాత్ర కీలక మలుపు తిప్పడంతో పాటు, ఎమోషనల్ డెప్త్ తీసుకొస్తుందని టాక్.

రజినీ మళ్లీ టైగర్ ముత్తువేల్ పాండియన్ పాత్రలో కనిపించనున్న ఈ సినిమాలో —
మోహన్‌లాల్, శివరాజ్‌కుమార్, నందమూరి బాలకృష్ణ, మిథున్ చక్రవర్తి లాంటి స్టార్స్ కేమియోలపై కూడా గట్టిగానే చర్చ నడుస్తోంది.

షూటింగ్ 2025 మార్చి 10న చెన్నైలో మొదలై, పలక్కాడ్, గోవాలో కీలక షెడ్యూల్స్ పూర్తి చేసుకుంది. భారీ యాక్షన్ సీన్స్ ఇప్పటికే కంప్లీట్ అయ్యాయట. డిసెంబర్ 2025 వరకు షూటింగ్ కొనసాగనుందని సమాచారం.

సీక్వెల్స్ శాపం… ‘జైలర్ 2’ బ్రేక్ చేస్తుందా?

గత కొన్ని ఏళ్లుగా సౌత్‌లో సీక్వెల్స్ పెద్దగా వర్క్ అవ్వలేదు.
ఇండియన్ 2, PS 2, 2.0, పందెం కోడి 2, సామీ స్క్వేర్, మారి 2, VIP 2…
ఒరిజినల్ సినిమాల స్థాయిని అందుకోలేకపోయిన ఉదాహరణలే ఎక్కువ.

ఇలాంటి పరిస్థితుల్లో —
“జైలర్ 2” ఈ సీక్వెల్ కర్స్‌ని బ్రేక్ చేసి మరోసారి బాక్సాఫీస్‌ను షేక్ చేస్తుందా? ఆగస్టు 14 నిజంగానే రజినీకి లక్కీ డేట్‌గా మారుతుందా?

ఈ ప్రశ్నలకు సమాధానం తెలియాలంటే…
ఆఫిషియల్ రిలీజ్ డేట్ అనౌన్స్‌మెంట్ వచ్చే వరకూ వేచి చూడాల్సిందే!