సినిమా వార్తలు
500 కోట్ల బ్లాక్బస్టర్ ‘ధురంధర్’ ఇప్పుడు తెలుగు మార్కెట్పై కన్నేసిందా?
ధురంధర్ పేరు ఇప్పుడు దేశమంతా మారుమోగుతోంది. ఈ ఏడాది వచ్చిన సినిమాల్లోనే అతిపెద్ద సంచలనంగా మారిన ఈ స్పై యాక్షన్ డ్రామా ఇప్పటికే ప్రపంచవ్యాప్తంగా 500 కోట్ల గ్రాస్ మార్క్ను దాటేసి, వెయ్యి కోట్ల దిశగా దూసుకుపోతోంది. ఈ స్థాయి కలెక్షన్లు రావడంతో సహజంగానే తెలుగు ప్రేక్షకుల్లో కూడా ఈ సినిమాపై ఆసక్తి భారీగా పెరిగింది. రిలీజ్కు ముందు పెద్దగా అంచనాలు లేకపోయినా, థియేటర్లలోకి వచ్చిన తర్వాత ధురంధర్ చూపించిన ప్రభావం ఇప్పుడు సౌత్ ఆడియన్స్ను కూడా ఆకట్టుకుంటోంది.
ప్రస్తుతం బాలీవుడ్ ట్రేడ్లో వినిపిస్తున్న పెద్ద మాట ఒక్కటే. ధురంధర్ హిందీలో ఇప్పటికే వీక్డేస్లో కూడా స్టెడీగా కలెక్షన్లు రాబడుతోంది. ఇదే ఊపు కొనసాగితే, అల్లు అర్జున్ నటించిన పుష్ప 2 హిందీ నెట్ రికార్డులను కూడా దాటేసి ఆల్టైమ్ నెంబర్ వన్గా నిలిచే అవకాశాలు ఉన్నాయని అంచనాలు వినిపిస్తున్నాయి. ఈ టాక్ తెలుగు అభిమానుల్లో మరింత ఉత్సాహాన్ని నింపుతోంది. హిందీ సినిమా అయినా, దాని బాక్సాఫీస్ పవర్ చూసి తెలుగు ప్రేక్షకులు థియేటర్లో చూడాలనే ఆసక్తి వ్యక్తం చేస్తున్నారు.
ఇదే సమయంలో ఒక ప్రశ్న బలంగా వినిపిస్తోంది. ఇంత పెద్ద హిట్ అయిన ధురంధర్ ఇప్పటివరకు కేవలం హిందీలో మాత్రమే విడుదలైంది. తెలుగు వెర్షన్ ఎప్పుడు వస్తుంది అన్నదే ఇప్పుడు సోషల్ మీడియాలో, ఫ్యాన్ పేజీల్లో హాట్ టాపిక్. డిసెంబర్ 19న తెలుగు, తమిళ భాషల్లో థియేటర్లలో రిలీజ్ అవుతుందన్న రూమర్లు బలంగా తిరుగుతున్నా, మేకర్స్ నుంచి ఇప్పటివరకు అధికారిక ప్రకటన మాత్రం రాలేదు. ఈ సైలెన్స్ వల్లే క్యూరియాసిటీ ఇంకా పెరుగుతోంది.
సినిమాకు ఇప్పటికే నేషనల్ లెవెల్లో బ్రాండ్ వాల్యూ ఏర్పడిన నేపథ్యంలో, సౌత్ భాషల్లో రిలీజ్ చేయడం మరింత ప్రయోజనకరమని ట్రేడ్ వర్గాలు భావిస్తున్నాయి. ముఖ్యంగా ధురంధర్ సీక్వెల్ కూడా త్వరలో రాబోతుందన్న ప్రచారం నేపథ్యంలో, తెలుగు మరియు తమిళ వెర్షన్లు విడుదలైతే సౌత్ మార్కెట్లో సినిమాకు మరింత బలమైన పునాది పడే అవకాశం ఉంది. ఇప్పుడు తెలుగు అభిమానులంతా ఎదురుచూస్తున్నది ఒక్కటే. ధురంధర్ తెలుగు రిలీజ్పై వచ్చే ఆ బిగ్ అప్డేట్ ఎప్పుడు వస్తుందన్నది.
