వీడియోలుసినిమా వార్తలు
చీకటిని చీల్చిన అఖండ: టీజర్ చివరున్న షాట్ను మిస్సవకండి!
అఖండ 2 కోసం ఫ్యాన్స్ ఎంత ఆత్రుతగా ఎదురు చూస్తున్నారో అందరికీ తెలిసిందే. ఇప్పుడు డిసెంబర్ 5 రిలీజ్కు కౌంట్డౌన్ మొదలైన వేళ— టీమ్ రిలీజ్ చేసిన కొత్త పవర్ఫుల్ టీజర్ నెట్టింట మొత్తం ఒక్కసారిగా షేక్ చేసింది.
టీజర్ మొదలవగానే ఓ హెచ్చరికలా వినిపించే డైలాగ్: దేశపు ఆధ్యాత్మిక శక్తిని ఏదో చీకటి శక్తి దెబ్బతీసేందుకు వస్తోంది… అక్కడినుంచి సీన్ చీకటిని చీల్చుతూ అఖండ రీఎంట్రీ! శివశక్తితో దుష్టశక్తిని సమూలంగా ధ్వంసం చేసే రక్షకుడిలా కనిపించిన బాలయ్య… అదే క్షణం టీజర్ టోన్ మారిపోతుంది.
బోయపాటి ఈసారి స్కేల్, ఫైర్, ఇంపాక్ట్— అన్నీ డబుల్ చేశారు అన్నట్లు కనిపిస్తోంది. బాలయ్య వేర్వేరు లుక్స్ లలో కనిపిస్తారు. అయితే అందరిలోను షాక్ ఇచ్చింది అఖండ ఫార్మ్— మరింత రౌద్రం… మరింత తపస్సు… మరింత పవర్.
బాలయ్య వాయిస్, ఎక్స్ప్రెషన్స్, స్క్రీన్ ప్రెజెన్స్ ఈ టీజర్ మొత్తం కరెంట్లా ప్రవహిస్తోంది. కానీ అసలు థ్రిల్ చివరి షాట్లో— మేఘాలను చీల్చుకుంటూ ప్రత్యక్షమైన హనుమంతుడు! అఖండ వెనుక నిలబడి ఉన్న దైవశక్తిని చూపించే ఆ విజువల్ చూస్తే నిజంగా శరీరమే గగుర్పొడుస్తుంది.
సినిమాటోగ్రఫీ విషయానికి వస్తే, సి.రాంప్రసాద్ – సంతోష్ డి డెటకే తీసిన ఫ్రేములు అద్భుతమైన డివైన్ వైబ్తో ఉన్నాయి. థమన్ ఇచ్చిన బీజీఎం టీజర్కు పులి పంజాతో దాడి చేసినట్లుంది. 14 రీల్స్ ప్లస్ మాత్రం ఈసారి “ఎక్కడ తగ్గేది లేదు” అన్నట్టుగా భారీ స్కేల్లో ఖర్చు చేసింది.
డిసెంబర్ 5కి అఖండ రౌద్రం థియేటర్స్లో పేలబోతోంది. NBK పవర్ ఈసారి ఏ రేంజ్లో ఉంటుందో… ఫ్యాన్స్ అసలు అంచనా వేయలేకపోతున్నారు!
