చిరంజీవి (Chiranjeevi) కథానాయకుడిగా వశిష్ఠ దర్శకత్వంలో రూపొందుతున్న సోషియో ఫాంటసీ మూవీ ‘విశ్వంభర’ (Vishwambhara). ప్రస్తుతం ఇది చిత్రీకరణ దశలో ఉంది. ఇప్పటివరకూ చిరంజీవి నటించిన సినిమాలతో పోలిస్తే, అత్యున్నత సాంకేతిక పరిజ్ఞానంతో ఈ మూవీని తెరకెక్కిస్తున్నారు. అంతేకాదు, దాదాపు రూ.200 కోట్ల భారీ బడ్జెట్‌తో ‘విశ్వంభర’ తీర్చిదిద్దుతున్నట్లు టాక్‌. చిరంజీవి కెరీర్‌లోనే అత్యధిక బడ్జెట్‌తో రూపొందుతున్న సినిమాగా ఇది నిలిచిపోనుంది.
అంతేకాదు, సోషియో ఫాంటసీ మూవీ కావడంతో వీఎఫ్‌ఎక్స్‌పై ప్రత్యేక శ్రద్ధ పెడుతున్నట్లు సమాచారం. ఈ సినిమా కోసం 13 భారీ సెట్‌లతో ఓ ప్రత్యేక ప్రపంచాన్ని సృష్టించారు. ఇంతకుముందెన్నడూ చూడని సరికొత్త అవతారంలో చిరంజీవి కనిపించనున్నారు. త్రిష హీరోయిన్ గా కనిపించనున్నారు. కీరవాణి స్వరాలు అందిస్తున్నారు. యూవీ క్రియేషన్స్ బ్యానర్‌పై ఇది రూపుదిద్దుకుంటోంది. ‘బింబిసార’తో అందరి దృష్టి ఆకర్షించిన వశిష్ఠ ఈ మూవీని ప్రతిష్ఠాత్మకంగా తీర్చిదిద్దుతున్నారు.
పవర్‌ఫుల్ లుక్స్, గ్రాండ్ విజువల్స్, స్పిరిట్యుయల్ టచ్‌తో కూడిన ఈ మూవీ టీజర్ విడుదలైనప్పటి నుంచే ఫ్యాన్స్ ఆశలన్నీ ఇదిపైనే పెట్టుకున్నారు. కానీ గత ఏడాది వచ్చిన టీజర్‌కు VFX పరంగా నెగటివ్ రెస్పాన్స్ వచ్చిన తర్వాత… ఈ ప్రాజెక్ట్ ఎటుపోతుందో అర్థం కావడం లేదు.
రిలీజ్ పోస్ట్‌పోన్, అప్డేట్స్ లేకుండా గ్యాప్ పెరుగుతోంది!
విశ్వంభర 2025లో రిలీజ్ అవుతుందని ముందుగా ప్రకటించారు. కానీ ప్రస్తుతం తాజా సమాచారం ప్రకారం ఈ చిత్రం 2026 సమ్మర్‌కే వాయిదా పడే అవకాశాలు బలంగా కనిపిస్తున్నాయి. దానికి ప్రధాన కారణం — ఇంకా పూర్తి కాలేని భారీ VFX వర్క్. డిసెంబర్ నాటికి పనులు పూర్తి కావచ్చని ఊహించినా, తీరా ఆ టార్గెట్ దాటి పోయింది.
ఇక అన్నీ బాగానే ఉంటే సంక్రాంతి 2026కి రిలీజ్ కావాల్సిన అనిల్ రావిపూడితో చిరంజీవి సినిమా కాస్త ముందే థియేటర్స్‌కి రాబోతుంది. ఇది చూసిన ఫ్యాన్స్ ప్రశ్నిస్తున్నారు – “విశ్వంభర ముందే షూట్ ప్రారంభమైంది, కానీ తర్వాతి సినిమా ముందే రిలీజ్ అవుతుందా?”
స్టాలిన్ రీ-రిలీజ్ ?
విశ్వంభర అప్డేట్స్ మళ్లీ ఆగిపోవడంతో… చిరంజీవి బర్త్‌డే (ఆగస్టు 22) సందర్భంగా 2006 ఫ్లాప్ సినిమా ‘స్టాలిన్’ను రీ-రిలీజ్ చేయాలని డిసైడ్ అయ్యారు. మురుగదాస్ దర్శకత్వంలో వచ్చిన ఈ సినిమా అప్పట్లో పెద్ద హిట్ కాలేదు కానీ… మణిశర్మ మ్యూజిక్, పవర్‌ఫుల్ డైలాగ్స్, పంచ్ యాక్షన్ సీన్స్‌కి పాత మాస్ ఫ్యాన్స్ ఇష్టపడతారు. అయితే ఇది ఫ్యాన్స్‌కి సరిపోదు అంటున్నారు మెగా అభిమానులు.
“నాస్టాల్జియాతో మనసు తీరదు… విశ్వంభర గురించి అసలైన అప్డేట్స్ కావాలి!” అంటోంది సోషల్ మీడియా.
UV క్రియేషన్స్ నిశ్శబ్దమే కారణమా?
ఈ సినిమాకి సంబంధించి చివరిసారిగా “రామా రామా” అనే లిరికల్ సాంగ్ వచ్చి చాలా నెలలు గడిచిపోయాయి. దాని తర్వాత సినిమా నుంచి ఒక్క క్లారిటీ కూడా లేదు. వీఎఫ్ఎక్స్ కారణంగా ఆలస్యం అనేది ఓ కారణం అయితే, మెగా అభిమానుల్లో నమ్మకం తగ్గుతోంది.
ఇక మరోవైపు చిరంజీవి తన తదుపరి సినిమాపై కదిలిపోయారు.
అంతే కాదు, రవితేజ, ఎన్టీఆర్ సినిమాలు సంక్రాంతికి వస్తున్నాయని ఇప్పటికే అనౌన్స్‌మెంట్ ఉంది. ఆ పోటీలోకి అనిల్ రావిపూడి చిత్రం వెళ్లనుంది. మరి విశ్వంభర ఎప్పుడూ?
