రికార్డులు కాదు… చరిత్రే రాస్తోంది! ‘ధురంధర్’ ఎంత పెద్ద హిట్ అంటే …!

రిలీజ్ అయినప్పటి నుంచి ఆగలేదు… తగ్గలేదు… వెనక్కి కూడా తిరగలేదు. రణవీర్ సింగ్ నటించిన ‘ధురంధర్’ ఇప్పుడు కేవలం హిట్ సినిమా కాదు. బాక్సాఫీస్ హిస్టరీని తిరగరాస్తున్న సినిమా గా మారిపోయింది. ఫస్ట్ వీక్ సక్సెస్ తర్వాత స్లో అవుతుందని అనుకున్నవాళ్లకి, సెకండ్ వీకెండ్ నంబర్స్ షాక్ ఇచ్చాయి!

సెకండ్ వీకెండ్‌లోనే రికార్డ్ బ్రేక్! ఇంత పెరుగుదల ఎప్పుడైనా చూశారా?

ధురంధర్ సెకండ్ వీకెండ్ కలెక్షన్లు చూస్తే ట్రేడ్ వర్గాలే నమ్మలేకపోతున్నాయి. ఫస్ట్ వీకెండ్‌తో పోలిస్తే సెకండ్ వీకెండ్ కలెక్షన్లు 37.65 శాతం ఎక్కువ! . ఇది ఇండియన్ బాక్సాఫీస్‌లోనే అరుదైన రికార్డ్‌గా మారింది.

పుష్ప 2: ది రూల్ , ఛావా .. ఈ రెండు సినిమాల తర్వాత, సెకండ్ వీకెండ్‌లోనే 100 కోట్ల గ్రాస్ దాటిన మూడో ఇండియన్ సినిమా ‘ధురంధర్’ కావడం విశేషం. అంతేకాదు… దేశీయ మార్కెట్‌లో పుష్ప 2, ఛావా సినిమాల కంటే ఎక్కువ వసూళ్లు సాధించిందన్నది ఇప్పుడు హాట్ టాపిక్.

ఓవర్సీస్‌లో కూడా అదే దూకుడు – ఆపడం ఎవరి వల్లా కావడం లేదు!

ధురంధర్ మ్యాజిక్ ఇండియాకే పరిమితం కాలేదు. ఓవర్సీస్‌లో కూడా సినిమా అసాధారణంగా పెర్ఫార్మ్ చేస్తోంది. ప్రస్తుత ట్రెండ్ కొనసాగితే, ఈ ఏడాదిలోనే హయ్యెస్ట్ గ్రాసింగ్ ఇండియన్ సినిమాగా నిలిచే అవకాశాలు బలంగా కనిపిస్తున్నాయి. ఇప్పటికే చాలా పెద్ద సినిమాల ఫైనల్ రన్ నంబర్లను దాటేసే దిశగా దూసుకుపోతోంది.

3 గంటల రన్‌టైమ్… అయినా ఆడియన్స్ స్టిల్ కనెక్ట్!

సినిమా లెంగ్తీగా ఉందన్న మాటలు ఉన్నా, అవేవీ కలెక్షన్లను ఆపలేకపోయాయి. సీరియస్ స్పై డ్రామా, ఇంటెన్స్ నారేషన్, పవర్‌ఫుల్ పెర్ఫార్మెన్స్‌లు ప్రేక్షకులను స్క్రీన్‌కు కట్టిపడేస్తున్నాయి. ప్రాంతీయ సినిమాల రిలీజ్‌లు పెద్దగా లేకపోవడంతో, ధురంధర్‌కు ఫుల్ అడ్వాంటేజ్ దక్కుతోంది.

అవతార్ వచ్చినా… ధురంధర్ రన్ ఆగదు!

డిసెంబర్ 19 నుంచి హాలీవుడ్ దిగ్గజం అవతార్ భారీ స్క్రీన్స్ ఆక్రమించనుంది. కానీ ట్రేడ్ అంచనాల ప్రకారం, ధురంధర్‌కు సరిపడా స్క్రీన్స్ మిగులుతాయి. అంటే, డ్రీమ్ రన్ ఇంకా కొనసాగుతుందన్న మాట!

ఫైనల్ టేక్

ఫస్ట్ వీక్ సక్సెస్ …సెకండ్ వీకెండ్ రికార్డులు.. దేశీ, ఓవర్సీస్‌లో దూకుడు కంపిటీషన్ లేక లాంగ్ రన్. ఇవి అన్నీ కలిస్తే ‘ధురంధర్’ ఇప్పుడు ఒక సినిమానే కాదు… 2025 బాక్సాఫీస్ హిస్టరీలో ఒక ప్రత్యేక అధ్యాయం!