పవన్ కళ్యాణ్ మాజీ భార్యగా, ఒకప్పుడు హీరోయిన్‌గా మెరిసిన రేణు దేశాయ్‌కి నటన అంటే ఎప్పటినుంచో ఒక మానసిక తృప్తి. “బద్రి”, “జానీ” వంటి సినిమాలతో స్క్రీన్‌పై సింపుల్, క్లాసీ ప్రెజెన్స్ చూపించిన ఆమె — గతంలో చాలా విరామం తీసుకుని “టైగర్ నాగేశ్వరరావు”లో హేమలత లవణం అనే సామాజిక సేవకురాలిగా తిరిగి కనిపించారు. ఆ రోల్ ఆమెను ‘క్యారెక్టర్ ఆర్టిస్ట్’గా కొత్త దశలోకి తీసుకెళ్లింది.
ఇప్పుడు, ఆ రీ-ఎంట్రీని మరింత ఆసక్తికరంగా మార్చేలా రేణు దేశాయ్ మరోసారి కెమెరా ముందు నిలుస్తున్నారు. ఈ సారి “అత్త” పాత్రలో! అవును, ఒక కామెడీ చిత్రంలో హీరోయిన్‌కి అత్తగా నటిస్తున్నారు.
రేణు దేశాయ్ చెబుతున్న మాటల్లో –
“నాకు నచ్చిన పాత్రలు వస్తేనే చేస్తాను. అదేపనిగా సినిమాలు చేయను. ట్రోలింగ్‌కి భయపడి సినిమాలు వదిలేయను. ఈ అత్త పాత్రలో ఒక అందమైన భావం ఉంది, అందుకే సైన్ చేశాను.”
తన జీవితంలో ఎన్నో ఒడిదుడుకులు చూసిన రేణు, ఇప్పుడు ఆ అనుభవాన్ని తెరమీద పాత్రల్లోకి మార్చే దశలో ఉన్నారు. పూణేలో కొంతకాలం గడిపి, ఇప్పుడు హైదరాబాద్‌లో కొడుకు అకీరా నందన్, కూతురు ఆద్యతో స్థిరపడ్డారు. అకీరా త్వరలోనే హీరోగా ఎంట్రీ ఇవ్వబోతున్నాడని ఫిలింసర్కిల్స్‌లో గుసగుసలు.
‘టైగర్ నాగేశ్వరరావు’ సినిమా చేస్తున్నప్పుడు తనపై కొందరు విమర్శలు చేశారని రేణూ గుర్తుచేసుకున్నారు. “కమ్‌బ్యాక్‌ ఇచ్చింది కాబట్టి ఇకపై అన్ని రకాల సినిమాల్లో నటిస్తుందని, ఎక్కడ చూసినా తనే కనిపిస్తుందని రాశారు. కానీ ఆ సినిమా విడుదలై రెండేళ్లు అవుతోంది. ఇప్పటివరకు నేను మరే సినిమాలోనూ నటించలేదు, ఏ ప్రాజెక్టుకూ సంతకం చేయలేదు. నేను సినిమాలు అంగీకరించలేదని తెలిసి కూడా, నాడు విమర్శించిన వారు ఇప్పుడు వచ్చి క్షమాపణలు చెప్పరు కదా? మాట్లాడేవారు ఎలాగైనా మాట్లాడతారు” అని ఆమె అన్నారు.
నటన అంటే తనకు చాలా ఇష్టమని, కానీ అదే తన జీవిత లక్ష్యం కాదని రేణూ దేశాయ్ స్పష్టం చేశారు. “నేను డబ్బుకు ప్రాధాన్యం ఇచ్చే మనిషిలా కనిపిస్తానేమో. డబ్బును జాగ్రత్తగా ఖర్చు చేస్తాను కానీ, దానికి అంత ప్రాధాన్యం ఇవ్వను. ఒకవేళ నటననే కెరీర్‌గా కొనసాగించి ఉంటే ఇప్పటికి మంచి పేరు సంపాదించేదాన్ని” అని ఆమె అభిప్రాయపడ్డారు.
అత్త పాత్రలో రేణు దేశాయ్ – మళ్లీ ఒక హృదయానికి దగ్గరైన మహిళా రూపం తెరపైకి!
ఆమె రీ-ఎంట్రీ అంటే గ్లామర్ కాదు – గ్రేస్, ఎమోషన్, మరియు ఒక కొత్త యాక్టింగ్ చాప్టర్ ప్రారంభం.
