మహేష్ ‘వారణాసి’ కోసం కీరవాణి సీక్రెట్ ప్లాన్

ఇప్పటికే సోషల్ మీడియాలో దుమ్ము రేపుతున్న ‘వారణాసి’కి సంభందించి మరో పెద్ద అప్‌డేట్ బయటకు వచ్చింది. IFFI 2025 సందర్భంగా, ఆస్కార్ విజేత ఎం.ఎం. కీరవాణి స్వయంగా చెప్పిన సమాచారం ఇది. రాజమౌళితో నాలుగోసారి జతకట్టుతున్న కీరవాణి, “వారణాసి”లో మొత్తం ఆరు పాటలు ఉంటాయి అని ధృవీకరించారు. టైటిల్ గ్లింప్స్‌లో కనిపించిన స్కేలు, విజువల్ గ్రాండియర్ అన్నీ కలిపి ప్రాజెక్ట్‌కు ఇప్పటికే భారీ గ్లోబల్ బజ్ ఉంది.

కీరవాణి ఏమన్నారు?

గోవాలో జరిగిన IFFI ఇంటరాక్షన్‌లో, వారణాసి మీద నాకు పూర్తి క్లారిటీ ఉంది. స్కేలు ఎంత పెద్దదైనా, నాకైతే చాలా పీస్‌ఫుల్‌గా వర్క్ అవుతోంది అంటూ కీరవాణి చెప్పారు. ఆరు పాటల ప్లాన్ ఫైనల్ అయ్యిందని కూడా ఆయన స్పష్టంచేశారు.

ఆరు పాటలు అన్నాక సందేహమే: ఇండియన్ ఫార్మాట్‌గా ఉంటాయా? లేక బ్యాక్‌గ్రౌండ్ స్కోర్‌లో మిక్స్ అవుతాయా?

రాజమౌళి ఈసారి గ్లోబల్ మార్కెట్‌ను టార్గెట్ చేస్తున్నారు. విదేశీ ప్రేక్షకులకు ఎక్కువ పాటలు ఉన్న ఫార్మాట్ కాస్త ఛాలెంజింగ్‌గా ఉంటుంది. ‘RRR’లోని Naatu Naatu ప్రపంచవ్యాప్తంగా వైరల్ అయినా, హాలీవుడ్ ఆడియన్స్‌కు ఆరు పాటలు అనేది అడాప్ట్ కావాల్సిన స్టైల్.
కాబట్టి అన్ని పాటలు స్టోరీలోనో, లేక చాలావాటిని BG-score లాగో వాడుతారా అన్నది క్లియర్ కాదు.
స్టార్ కాస్ట్ కూడా అంతే హైప్‌కు కారణం

మహేష్ బాబు — ఇది అతని కెరీర్‌లోనే ఫిజికల్, సైకలాజికల్‌గా టఫ్ రోల్ అని టాక్, ప్రియాంక చోప్రా — గ్లోబల్ ఫ్యాన్‌బేస్‌ను రప్పించే అట్రాక్షన్, పృథ్విరాజ్ సుకుమారన్ — కేరళా, కర్ణాటక మార్కెట్లలో భారీ పుల్. ఈ కాంబినేషన్‌తో రాజమౌళి అంతర్జాతీయ ప్రమోషన్స్ ఇప్పటికే స్టార్ట్ చేశారు. టైటిల్ గ్లింప్స్‌ను డీకోడ్ చేయడానికి విదేశీ రియాక్షన్ ఛానెల్స్ పందెం పెట్టాయి.

రిలీజ్ టైమ్‌లైన్

“వారణాసి” సమ్మర్ 2027లో థియేటర్లను చేరే అవకాశం ఉంది. అప్పటి వరకు ప్రతి అప్‌డేట్ కూడా సోషల్ మీడియాలో ట్రెండ్ అయ్యే అవకాశమే ఎక్కువ.

ఒక లైన్‌లో చెప్పాలంటే—

వారణాసి ఇప్పుడే స్ట్రీట్‌లోకి వచ్చిన పోస్టర్ కాదు… ఒక గ్లోబల్ ఈవెంట్‌లా ట్రీట్ అవుతున్న సినిమా. ఆ హైప్‌కు కీరవాణి చెప్పిన “ఆరు పాటలు” అప్‌డేట్ మరింత ఫ్యూయల్ పోశాయి.