గతంలో బాలీవుడ్‌ను ఏలిన ప్రముఖ నటీమణి ముంతాజ్ తన జీవితం గురించి ఇచ్చిన ఓ ఇంటర్వ్యూలో చేసిన వ్యాఖ్యలు అంతటా చర్చ మొదలైంది. కెరీర్ పీక్‌లో ఉండగానే, సినిమాల్ని పూర్తిగా వదిలేసి, ఆమె ఉగాండాలోని ప్రముఖ వ్యాపారవేత్త మయూర్ మాధ్వానీని వివాహం చేసుకుంది.
“నాకు సినిమాలు వద్దనిపించాయి!” – ముంతాజ్
ఈ విషయాన్ని ముంతాజ్ ఇలా వివరించింది – “అప్పుడు చాలా మంది హీరోయిన్‌లు పెళ్లి చేయకుండానే జీవితాన్ని గడిపారు. కానీ నేను మాత్రం ఒక మంచి వ్యక్తిని కలవగలిగాను. అతను నన్ను నిజంగా ప్రేమించాడు. అంతే, సినిమాలకు గుడ్‌బై చెప్పాను. నాకు ఆ సమయానికి సినిమా లైఫ్ ఇంక చాలించవచ్చు అనిపించి, జీవితం కొత్త దిశగా కొనసాగాలనిపించింది.”
తన భర్త మయూర్ మాధ్వానీ — ఓ దశలో ఇంకొక మహిళతో సంబంధం పెట్టుకున్నట్టు ముంతాజ్ ధైర్యంగా చెప్పింది. కానీ ఆమె తీసుకున్న నిర్ణయం మాత్రం ఆశ్చర్యకరంగా ఉంటుంది.
“ఒక చిన్న తప్పు జరిగినందుకే పెళ్లిని త్యజించాలా? ఆయన అందగాడే… ఒక్కసారిగా తడబడిపోయాడు. కానీ అతను ఫ్లర్ట్ కాదు. తప్పు చేశాడు. కానీ నేను విడిచిపెట్టలేదు… అతని పక్కనే నిలిచాను,” అంటూ చెప్పిన ముంతాజ్ మాటల్లో భర్తపై ఉన్న ప్రేమ స్పష్టంగా కనిపిస్తుంది.
“పురుషులు వేరే వాళ్లతో గుట్టుగా సంభందాలు పెట్టుకోవటం చాలా కామన్‌” – ఆమె ఓపెన్ కామెంట్
ఒకప్పటికి మించిపోయిన సంస్కార దృక్కోణంతో, ముంతాజ్ ఒకప్పటి ఇంటర్వ్యూలో చెప్పారు – “పురుషులు గుట్టుగా సంబంధాలు పెట్టుకోవడం కామన్‌ వ్యవహారమే. కానీ నా భర్త ఒక్కసారి మాత్రమే తప్పు చేశారు. అమెరికాలో ఉన్న ఓ అమ్మాయి అంటే ఆసక్తి ఉందని ఆయన నాతో ఒప్పుకున్నాడు. కానీ, ‘నిన్ను ఎప్పటికీ వదలను’ అన్నాడు. నిజాయితీగా చెప్పినందుకు నేను ఆయనను గౌరవించాను.”
అయితే ఆ వ్యవహారం ముంతాజ్ మనసును ఎంతలా గాయపరిచిందని ఆమె చెప్పింది. “ఆ సంఘటన తర్వాత ఆపుకోలేని తలనొప్పిలా ఒంటరితనం వచ్చేసింది. నాకు నేను కొంచెం గర్వంగా ఉండే అమ్మాయిని. చాలా బాధపడ్డాను. ఇండియాకి వచ్చేసాను. అప్పుడే – ఒకరితో కొద్దిగా ఆకర్షితులయ్యాను. మనం ముళ్ల కిరీటంతో ఉన్నప్పుడు ఖచ్చితంగా ఒకరు గులాబీలతో వస్తారు. అలాగే జరిగింది. కానీ అది సీరియస్ ఏమీ కాదు. అప్పుడు జరిగిన చిన్న విషయం మాత్రమే… త్వరలోనే ముగిసిపోయింది,” అని ఆమె ఎంతో నిజాయితీగా చెప్పింది.
నటన ఆపేందుకు అత్తవారే షరతు పెట్టారు
ముంతాజ్ మాటల్లోనే, “పెళ్లి సమయంలో మాధ్వానీ కుటుంబం ఒక స్పష్టమైన నిబంధన పెట్టింది – నేను ఇకపై సినిమాల్లో పని చేయకూడదు. అప్పట్లో నేను టాప్ హీరోయిన్‌లలో ఒకరిగా, ఒక్కో సినిమాలో 7.5 లక్షలు పారితోషికం తీసుకునే స్థాయిలో ఉన్నాను. అయినా వాళ్ల అభిప్రాయాన్ని గౌరవించి, కెరీర్‌ని వదిలేశాను. ఆ సమయంలో ఆ స్థాయిలో ఉన్న వారెవరైనా ఇలా చేస్తారా?”
“నా కుటుంబం డబ్బుకోసం నన్ను పీడించలేదు”
తన కెరీర్‌ను స్వచ్ఛందంగా వదిలేయడానికి కారణంగా ముంతాజ్ తన కుటుంబాన్ని కితాబిచ్చింది. “అమ్మా నాన్న స్వార్థపరులు కాదు. డబ్బు కోసం నన్ను సినిమాల్లోకి మళ్లీ పంపించలేదు. వాళ్లు నాకు ఒక విషయం అర్థం చేశారంటే – హీరోయిన్‌లకు వయసు పెరిగినకొద్దీ అవకాశాలు తగ్గిపోతాయి. ఆ తర్వాత అత్త, నాయనమ్మల పాత్రలే మిగిలిపోతాయి. అలాంటి దశకు రాకముందే నేను గౌరవంగా తప్పుకున్నాను. ఆ సమయంలో నేను కోట్లు సంపాదించాను. అయినా నా కుటుంబం – ‘ఇక చాలు, నీవు సంతోషంగా ఉండాలి’ అని నన్ను ముందుకు నెట్టింది. అదే నాకు నిజమైన అండ.”
ముంతాజ్ కథ జీవితం లో ఆమె ఆత్మవిశ్వాసం తో వ్యవహరించిన విషయాలకు మంచి ఉదాహరణగా నిలుస్తుంది.
