సినిమా వార్తలు
ETV Win కంటెంట్ ఇప్పుడు నెట్ ప్లిక్స్ లో ..అదిరిపోయే స్ట్రాటజీ
నెట్ఫ్లిక్స్ ఇప్పుడు కేవలం గ్లోబల్ కంటెంట్తోనే కాకుండా, లోకల్ ప్రేక్షకుల గుండెల్లోకి వెళ్లే స్ట్రాటజీతో ముందుకు సాగుతోంది. ప్రాంతీయంగా బలమైన కథలు, ఇప్పటికే హిట్ అయిన కంటెంట్ను తన ప్లాట్ఫామ్లోకి తీసుకురావడం ద్వారా వ్యూస్ పెంచుకోవడం, కొత్త సబ్స్క్రైబర్లను ఆకర్షించడం నెట్ఫ్లిక్స్ ప్రధాన లక్ష్యంగా మారింది. ఈ క్రమంలోనే ఇప్పుడు తెలుగు ప్రేక్షకులకు ప్రత్యేకంగా కనెక్ట్ అయ్యే ఓ కీలక అడుగు పడింది.
తెలుగు ఓటీటీ ప్రపంచంలో నంబర్ వన్ ప్లాట్ఫామ్గా ఎదిగిన ETV Win నుంచి వచ్చిన బ్లాక్బస్టర్ కంటెంట్ ఇప్పుడు నెట్ఫ్లిక్స్లోకి అడుగుపెట్టింది. అన్ని వర్గాల ప్రేక్షకులను ఆకట్టుకునేలా వినోదాత్మకంగా, ఫ్రెష్గా కంటెంట్ అందిస్తూ ETV Win ఇప్పటికే బలమైన బ్రాండ్గా నిలిచింది. ఇప్పుడు ఆ విజయవంతమైన కంటెంట్లో కొంత భాగం నెట్ఫ్లిక్స్లో అందుబాటులోకి రావడం ఆసక్తికరంగా మారింది.
ETV Winలో డైరెక్ట్గా ప్రీమియర్ అయి, తెలుగు ప్రేక్షకుల హృదయాలను గెలిచిన 90’s వెబ్ సిరీస్ ఇప్పుడు నెట్ఫ్లిక్స్లో కూడా స్ట్రీమింగ్ అవుతోంది. అంతేకాదు, మౌళి నటించిన రీసెంట్ బ్లాక్బస్టర్ సినిమా లిటిల్ హార్ట్స్, ఇంటర్ విద్యార్థుల జీవితాన్ని రియలిస్టిక్గా చూపించిన AIR ఆల్ ఇండియా ర్యాంకర్స్ వెబ్ సిరీస్ కూడా నెట్ఫ్లిక్స్లోకి వచ్చాయి. ఇవన్నీ ఇప్పటికే టాక్ తెచ్చుకున్న కంటెంట్ కావడం వల్ల, ఇప్పుడు మరింత విస్తృత ప్రేక్షకులను చేరుకునే అవకాశం ఏర్పడింది.
ఇక్కడ నెట్ఫ్లిక్స్ అనుసరిస్తున్న స్ట్రాటజీ స్పష్టంగా కనిపిస్తుంది. ఒక భాషకే పరిమితం కాకుండా, అన్ని భాషల్లో ఈ సినిమాలు, వెబ్ సిరీస్లను అందుబాటులోకి తెచ్చింది. దీని వల్ల తెలుగు కంటెంట్ను ఇతర భాషల ప్రేక్షకులకు పరిచయం చేయడమే కాకుండా, ఫ్యామిలీ ఆడియన్స్ నుంచి యూత్ వరకూ కొత్త వ్యూస్ను రాబట్టుకునే ఛాన్స్ నెట్ఫ్లిక్స్కు దక్కుతుంది.
మొత్తానికి, ETV Winలో హిట్ అయిన లోకల్ కంటెంట్ను నెట్ఫ్లిక్స్ తన ప్లాట్ఫామ్లోకి తీసుకురావడం కేవలం కంటెంట్ షేరింగ్ మాత్రమే కాదు. ఇది వ్యూస్ పెంచుకునే వ్యూహం, కొత్త మార్కెట్లను ట్యాప్ చేసే ప్రయత్నం, ప్రాంతీయ ప్రేక్షకులను గ్లోబల్ స్ట్రీమింగ్కు దగ్గర చేసే కీలక అడుగు. ఈ మూవ్తో నెట్ఫ్లిక్స్కు ఎంత లాభం దక్కుతుందో, తెలుగు కంటెంట్కు అంతే స్థాయిలో అంతర్జాతీయ గుర్తింపు వచ్చే అవకాశం కూడా కనిపిస్తోంది.
