‘డీజే టిల్లు’తో సూపర్‌స్టార్ రేంజ్‌లోకి దూసుకెళ్లిన సిద్ధు జోనలగడ్డ — ఇప్పుడు మాత్రం బాక్సాఫీస్ వద్ద జారిపోతున్నట్లు కనిపిస్తోంది. “టిల్లు స్క్వేర్” సక్సెస్ తర్వాత ఆయనపై ఉన్న క్రేజ్ ఎంత వరకు నిలిచిందన్న ప్రశ్న ఇప్పుడు ట్రేడ్ సర్కిల్స్‌లో హాట్ టాపిక్‌గా మారింది.
ఒక నిజమైన స్టార్ అంటే జానర్, డైరెక్టర్, బ్యానర్ ఏదైనా సరే – ఓపెనింగ్స్ హామీగా ఉండాలి. కానీ “డీజే టిల్లు” – “టిల్లు స్క్వేర్” లాంటి బ్లాక్‌బస్టర్స్ తర్వాత వచ్చిన సిద్ధు సినిమాలు ఆ రేంజ్‌లో ఓపెనింగ్స్ రాబట్టలేకపోయాయి.
‘జాక్’తో మొదటి జోల్ట్:
“టిల్లు స్క్వేర్” తర్వాత వెంటనే వచ్చిన “జాక్” ట్రేడ్ అంచనాలను తలకిందులు చేసింది. భారీ ఓపెనింగ్స్ వస్తాయని భావించినా, మొదటి రోజే నెగటివ్ టాక్ వల్ల కుప్పకూలిపోయింది. ‘జాక్’ ఫలితం సిద్ధు బాక్సాఫీస్ పుల్‌పై పెద్ద ప్రశ్నలు లేపింది.
‘తెలుసు కదా’తో మరో వెనుకడుగు:
తాజాగా విడుదలైన “తెలుసు కదా” కూడా అదే పరిస్థితి ఎదుర్కొంటోంది. “జాక్” ఫ్లాప్ తరువాత ఈ సినిమాకు ఓపెనింగ్స్ పరిమితంగా ఉంటాయని అందరూ ఊహించారు. ఫలితంగా మొదటి రోజే కలెక్షన్స్ బలహీనంగా వచ్చాయి. పాజిటివ్ రివ్యూలు లేకపోవడంతో, సినిమా నిలబడలేకపోయింది.
ప్రొడ్యూసర్ సేఫ్… కానీ సిద్ధు?
ఈ సినిమా ప్రొడ్యూసర్ టీ.జీ. విశ్వ ప్రసాద్ డిస్ట్రిబ్యూటర్లకు అమ్మకుండా, కమిషన్ బేస్ మీద రిలీజ్ చేయడంతో వాళ్లు నష్టపోలేదు. కానీ నిర్మాతకు మాత్రం సుమారు రూ.10 కోట్ల లాస్ వచ్చినట్లు సమాచారం.
‘టిల్లు’ ఫ్రాంచైజ్‌కి బయట సిద్ధు జోనలగడ్డ ఇంకా తన మార్కెట్ ప్రూవ్ చేసుకోవాల్సి ఉంది. వరుసగా రెండు ఫ్లాప్‌లు రావడంతో నిర్మాతలు ఇప్పుడు ఆయన సినిమాలకు బడ్జెట్ విషయంలో జాగ్రత్త పడుతున్నారు. యూత్‌లో మంచి ఫాలోయింగ్ ఉన్నా, బాక్సాఫీస్ వద్ద మాత్రం సిద్ధు క్రేజ్ స్లిప్ అవుతున్న సంకేతాలు స్పష్టంగా కనిపిస్తున్నాయి.
