సినిమా వార్తలు
కార్తీ సినిమా రిలీజ్కు కోర్టు బ్రేక్! ఏం జరిగింది?
కార్తీ నటించిన ‘అన్నగారు వస్తారు’ (తమిళంలో ‘వా వాథ్యార్’) వచ్చే వారం డిసెంబర్ 12న థియేటర్లలోకి రావాల్సి ఉంది. కానీ రిలీజ్కు కేవలం కొన్ని రోజులు ముందు మద్రాస్ హైకోర్ట్ నుంచి పెద్ద షాక్ వచ్చింది.
₹21.78 కోట్లు బకాయి… రిలీజ్కు బ్రేక్!
అర్జున్లాల్ సుందర్దాస్ పెట్టిన కేసులో, నిర్మాత జ్ఞానవేల్ రాజా బాకీ ఉన్న ₹21.78 కోట్ల రుణం తీర్చే వరకు సినిమా రిలీజ్ చేయకూడదని కోర్టు తాత్కాలిక ఉత్తర్వులు జారీ చేసింది. ఇప్పటికే ఎంతో ఆలస్యం అయిన ఈ సినిమా, ఫైనల్గా థియేటర్లకు రావడానికి సిద్ధమైన టైంలోనే లీగల్ హర్డిల్ ఎదురైంది.
ఇప్పుడే సెటిల్ చేస్తారా? లేక వాయిదా పడుతుందా?
సినిమా రిలీజ్ అవుతుందా? వాయిదా పడుతుందా? అన్నదానిపై టాలీవుడ్ – కొలీవుడ్ లో పెద్ద ఆసక్తి నెలకొంది. థియేటర్లు ఇప్పటికే షెడ్యూల్ చేసుకున్నాయి. ఇప్పుడు ఏమవుతుంది?
స్టార్ క్యాస్ట్ – భారీ అంచనాలు
నాలన్ దర్శకత్వంలోని ఈ యాక్షన్ డ్రామాలో కృతి శెట్టి హీరోయిన్. ఇంకా శిల్పా మంజునాథ్, రాజ్కిరణ్, ఆనంద్ రాజ్, సత్యరాజ్ కీలక పాత్రల్లో కనిపిస్తారు. కరుణాకరన్, జీఎమ్ సుందర్, రమేష్ తిలక్, నీవాస్ అదితన్, మధూర్ మిట్టల్ తదితరులు నటించారు.
అన్నీ రెడీ… కానీ ఇక కోర్టే నిర్ణయం!
సినిమా ప్రమోషన్స్ వేగంగా జరుగుతుండగా, ఈ కోర్టు ఆర్డర్తో టీమ్ అప్రమత్తం అయ్యింది. డ్యూ క్లియర్ చేస్తేనే రిలీజ్కు గ్రీన్ సిగ్నల్.
ఇక పరిశ్రమలో ఒకే ప్రశ్న:
కార్తీ సినిమా 12న థియేటర్లలోకి వస్తుందా? లేక మరలా వాయిదా పడుతుందా? అప్డేట్స్ కోసం వేచి చూడాల్సిందే!
