జీవితంలో పొరపాటు చేస్తే అది సరిదిద్దుకునే అవకాసం జీవితం ఇస్తుందా…గతంలో ఇదే దర్శకుడు (మై కడవులే) అశ్వథ్ మారిముత్తు చేసిన సినిమాలో అదే పాయింట్. మళ్లీ కొంచెం అటూ ఇటూలో అదే పాయింట్ తో కాలేజీ బ్యాక్ డ్రాప్ ని సెట్ చేసుకుని మన ముందుకు వచ్చాడు. తను చేసిన పొరపాట్లు రియలైజ్ అయ్యి తిరిగి తన జీవితాన్ని సరైన దారిలో పెట్టుకున్న కుర్రాడి కథ డ్రాగన్. ఇంతకీ ఆ పొరపాట్లు ఏమిటి, ఏమిటా కథ,లోటు పాట్లేంటో చూద్దాం.
స్టోరీలైన్
రాఘవన్(ప్రదీప్ రంగనాధన్) మిడిల్ క్లాస్ కుర్రాడు. తన కుటుంబం కష్టపడి చదివిస్తూంటాడు. అతను కూడా రోజూ కాలేజీకు వెళ్లేదాకా మంచి కుర్రాడే. బాగా చదువుకుని ఎక్కువ మార్కులు తెచ్చుకునే బుద్దిమంతుడే. అయితేనేం అలాంటి ఇలా ఉంటే అమ్మాయిలు ఇష్టపడరని,కేవలం బ్యాడ్ బోయ్స్ నే గర్ల్స్ ఇష్టపడతారు అతి తొందరనో స్వయంగా తెలుసుకుంటాడు. దాంతో తన కుటుంబ కష్టాలను మర్చిపోయి తన గుడ్ బోయ్ ఇమేజ్ ని అమాంతం మార్చేసుకోవాలనకుంటాడు. అంతే బీటెక్ లో కావాలని 48 సబ్జెక్ట్స్ ఫెయిల్ అవుతాడు. అయితే జీవితం అలాంటివారికి ఛాన్స్ లు , ఉద్యోగాలు ఇవ్వదు. దాంతో కాలేజీలో అతన్ని ఇష్టపడ్డ కీర్తి (అనుపమ పరమేశ్వరన్) నువ్వు నాకు అక్కర్లదని బ్రేకప్ చెప్తుంది.
దాంతో రాఘవన్ …ఎలాగైనా నెక్ట్స్ లెవిల్ కు వెళ్లాలని ఫేక్ సర్టిపికేట్ లు సంపాదించి సాఫ్ట్ వేర్ జాబ్ కొడతాడు. తను అనుకున్న దారిలో కారు, ఇల్లు కొనుక్కుని మంచి సంభందం చూసుకుని సెటిల్ అయ్యేందుకు దారి వెతుక్కుంటాడు. అతను అనుకున్నట్లే ఓ పెద్ద సంభందం పల్లవి (కాయాదు) రూపంలో వస్తుంది. ఇంక ఆమెతో పెళ్లి, అమెరికాలో సెటిల్మెంట్ అనుకున్న టైమ్ లో పిలవని పేరంటంలో అతని జీవితంలోకి రాఘవన్ కాలేజ్ ప్రిన్సిపాల్ (మిస్కిన్) దిగుతాడు. రాఘవన్ ఫేక్ సర్టిఫికేట్స్ తో ఉద్యోగం చేస్తున్న ఆయనకి తెలిసి బయిటపెట్టేస్తానంటాడు.
అయితే అలా ఫేక్ సర్టిపికేట్ విషయం బయిటపెట్టకుండా ఉండాలంటే రాఘవన్ కి ఓ కండీషన్ పెడతాడు ప్రిన్సిపాల్. మూడు నెలలు కాలేజీలో అన్నీ క్లాసులకు అటెండ్ అయ్యి పరీక్షలు రాసి 48 సప్లమెంటరీలు రాసి పాస్ అంటాడు. చేసేదేముంది కాలేజీకి వెళ్తాడు. అప్పుడు ఏమైంది. చివరికి అతని జీవితం ఏం మలుపు తిరిగింది అనేది మిగతా కథ.
ఎనాలసిస్
సినిమా రిలీజ్ కు ముందుదాకా అంటే డ్రాగన్ సినిమా ట్రైలర్ వచ్చాక, అందరూ ఈ సినిమా శివకార్తికేయన్ డాన్ 2 కు మరో వెర్షన్ అనుకున్నారు. అయితే అది కొంతవరకూ నిజమే. రెండింటి మధ్యా ఫస్టాఫ్ లో పోలికలు ఉన్నాయి. ఒకే రకమైన సీన్స్ ఉన్నాయి. అయితే సెకండాఫ్ లో దేని కథ దానిదే. దర్శకుడు అశ్వథ్ మారిముత్తు ఎంటర్టైన్మెంట్ కు జీవిత పాఠాలు ముడిపెట్టి చెప్పాడు.
అశ్వథ్ మారిముత్తు కు బాగా తెలుసు ….ఈ రోజున సినిమా హిట్టవ్వాలంటే ఖచ్చితంగా అది బాగా ఎంగేజ్ చేయగలగాలి. సెకన్ కూడా మన సెల్ ఫోన్ వైపు చూడకుండా చేయగలగాలి. అది సూపర్ స్టార్స్ కు కూడా సాధ్యం కావటం లేదని. కేవలం కథలో దమ్ముంటేనే వర్కవుట్ అవుతుందని. ‘లవ్ టుడే’ అనే చిన్న సినిమాతో తమిళ వాళ్లనే కాదు తెలుగు వాళ్లను వైపు తన వైపుకి తిప్పుకున్న ప్రదీప్ రంగనాధన్ కు ప్రత్యేకమైన ఇమేజ్ కూడా ఉందని తెలుసు. అవన్ని దృష్టిలో పెట్టుకునే ఈ సేఫ్ గేమ్ ఆడాడు.
ఈ సినిమా ఓ యాంగిల్ లో చూస్తే బాగానే ఎంగేజ్ చేస్తుంది. డ్రామా,రొమాన్స్, లైఫ్ లెస్సన్స్ గట్టిగానే కూర్చి వదిలారు. అయితే సినిమా చూసాక జస్ట్ ఓకే అనిపిస్తుంది. అందుకు కారణం సినిమాలో బలమైన కాంప్లిక్ట్స్ పాయింట్ కనపడకపోవటమే. ఇందులో హీరో రాఘవన్ మిడిల్ క్లాస్ కుటుంబం అతన్ని బాగా చదువుకుని గొప్పవాడుగా చూడాలనుకుంటుంది. కానీ హీరోకు మాత్రం ఈ కాలం యూత్ లాగ ఎలోగైనా జీవితంలో సక్సెస్ అదీ చూడాలి. అదీ డబ్బుతో ముడిపడిందని అతనికి ఎదురైన ప్రపంచం చెప్తుంది. ఈ రెండింటి మద్యా నలుగుతారు.చివరకు సినిమాటెక్ పాఠాలు నేర్చుకుంటాడు. సక్సెస్ కన్నా విలువలు గొప్పవని అర్దం చేసుకుంటాడు.
టెక్నికల్ గా
సినిమా చూస్తుంన్నసేపూ అంతా బాగానే ఉంది కానీ కాస్త మెసేజ్ ఎక్కువైన ఫీలింగ్ వచ్చింది. ఫస్టాఫ్ ఇంకాస్త బాగా రాసుకోవాల్సింది. టెక్నికల్ గా చూస్తే… యూత్ ఫుల్ సాంగ్స్ లేవు. బ్యాక్ గ్రౌండ్ స్కోర్ మాత్రం లియోన్ జేమ్స్ బాగా ఇచ్చాడు. సినిమాటోగ్రఫీ ప్రతీ సీన్ ని కలర్ ఫుల్ గా పర్పస్ ఫుల్ గా కనిపించటంలో సక్సెస్ అయ్యింది. ఎడిటింగ్ ..కొంత లాగిన ఫీలింగ్ ఫస్టాఫ్ లో వచ్చింది. ప్రొడక్షన్ వాల్యూస్ బాగా ఖర్చు పెట్టారు.
నటీనటుల్లో..
ప్రదీప్ రంగనాథన్ ఫెరఫెక్ట్ గా తన పాత్రకు సూటయ్యాడు. చాలా ఎనర్జీతో చేసాడు. అలాగే అనుపమ సినిమాకు నిండుతనం తెచ్చింది. ఖయాదు లోహార్, మిష్కిన్, కేఎస్ రవికుమార్, గౌతమ్ మీనన్, నెపోలియన్ వంటి సీనియర్స్ తమ పాత్రలకు న్యాయం చేసుకుంటూ వెళ్లిపోయారు.
చూడచ్చా
అక్కడక్కడా చిన్నగా ఇబ్బంది పెట్టినా డ్రాగన్ ఖచ్చితంగా ఓ సారి చూడదగ్గదే. అయితే కొన్ని చోట్ల కన్వీనెంట్ గా రాసుకున్న రైటింగ్ ఇబ్బంది పెడుతుంది. స్క్రీన్ ప్లే నస పెడుతుంది. అయితే ఫన్ , ఇంట్రస్టింగ్ ట్విస్ట్ లు , టర్న్ లు సినిమాని లాక్కెళ్లిపోతాయి.
