గ్లోబల్ స్టార్ రామ్ చరణ్ భార్య, వ్యాపారవేత్త, సేవా దృక్పథంతో ముందుండే ఉపాసన కొణిదెల — నేటి యువతకు మానసిక ఆరోగ్యం, రిలేషన్‌షిప్‌లలో బలమైన అవగాహన అవసరమని ఎప్పటికప్పుడు గుర్తుచేస్తూ వస్తున్నారు. ఆమె సోషల్ ఇనిషియేటివ్స్‌తో పాటు — జీవితాన్ని మానసికంగా బలపరిచే ఆధ్యాత్మికత గురించే ఇప్పుడు మాట్లాడారు.
ఇటీవల సాయి బాబా వ్రతం ఆమె జీవితంలో తెచ్చిన మార్పుల్ని పంచుకుంటూ, ఉపాసన ఇలా చెప్పారు:
“ప్రతి ఒక్కరికి వాళ్ల హృదయానికి తగిన ఆధ్యాత్మిక మార్గం ఉండాలి. నా భర్తకి అయ్యప్ప స్వామి, నాకు సాయి బాబా. చిన్నప్పటి నుంచి మా తాతయ్య, బామ్మ, అమ్మ నాన్న — భగవంతునిపై నమ్మకంతో బతికేవాళ్లు. ఆ నమ్మకం నాకు చాలా బలాన్ని ఇచ్చింది. ఓ సమయంలో నేను మానసికంగా ఎంతో వెయ్యరయ్యాను. అప్పుడు మా అమ్మమ్మ సాయిబాబా వ్రతం చేయమని సూచించింది. మొదట్లో అనుమానంగా ఉన్నా… కథ చదవడం మొదలుపెట్టిన తర్వాత, ఆధ్యాత్మిక శాంతి క్రమంగా లోపలికి వచ్చింది. జీవితాన్ని పాజిటివ్‌గా చూసే కోణం వచ్చింది.”
ఈ ప్రయాణం ఆమెకు వ్యక్తిగతంగా ఎంత పవర్‌ఫుల్‌గా మలిచిందో చెప్పుతూ, ఉపాసన ఇప్పుడు జూలై 10న జరగనున్న గురుపౌర్ణమి నుంచి ఒక ప్రత్యేక ఆహ్వానం ఇస్తున్నారు —
“ఈ గురుపౌర్ణమి నుంచి మీరు కూడా నాతో కలిసి 9 వారాల సాయిబాబా వ్రతం ప్రారంభించండి. మనం ఎప్పుడైనా మానసికంగా డౌన్ అయి ఉండొచ్చు. కానీ ఒక చిన్న ఆధ్యాత్మిక సాధన కూడా మనలో ఆశ కలిగించగలదు. జీవితాన్ని మార్చగలదు.”
ఆధునిక జీవితంలో ఎంతో అవసరమైన — ఎమోషనల్ మేచ్యూరిటీ, మ్యూటువల్ రెస్పెక్ట్ వంటి విలువల్ని పదే పదే ప్రాచుర్యంలోకి తీసుకొస్తున్న ఉపాసన, ఇప్పుడు ఆధ్యాత్మికత కూడా ఓ మార్గంగా పరిచయం చేస్తున్నారు.
ఆలోచించండి — ఓ చిన్న వ్రతం, ఓ చిన్న నమ్మకం… మనలో ఎంత శక్తిని కలిగించగలవో!
ఈ గురుపౌర్ణమి నుంచి… మీరు కూడా ప్రయాణం ప్రారంభించండి.
